Daniyeli 3:29 - IBAYIBOLO 2024

²⁹ Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”

Daniyeli 3:29 Iomraidhean Croise

2 Abamwene 10:27

Po bakachimongolannya ichifwani icha Baala, sona ni nyumba iya Baala nukuyipela pakuba lizyenje, umwakuti abantu bakulibombezya mupaka nilelo bulo.

Ezila 6:11

Nkubika ululaghilo ulwakuti nanti umuntu andula zizyo nalamula, ulutaliko ulwa nyumba yache luwesiwanje nukumukomela palapala, po inyumba yache yikwiza pakuba chituntululu.

Masalimo 3:8

Ubupoki bukufuma kwa Mwene, sona ulusayo lwako lubanje pabantu bako.

Masalimo 76:10

Naloli ubukali bwako pabantu bukukupanga amapalo, po abantu babo bapona ku bukali bwako bakwiza pakukuchindika.

Daniyeli 1:19

U mwene akanenezannya nabo, po akagha ukuti atakabapo nayumoyumo uwakuyana nu Daniyeli nu Hananiya nu Mishayeli, sona nu Azaliya, po bakanda pakumubombela u mwene.

Daniyeli 1:7

Usongo uwa makambala yula akabita abalumendo bala amatabwa aghanji. Amatabwa ghabo ghakaba gho agha: U Daniyeli akaba we Belitishazala, u Hananiya akaba we Shadilaki, u Mishayeli akaba we Meshaki, sona u Azaliya akaba we Abedinego.

Daniyeli 2:17

Po u Daniyeli akanyokela kunyumba yache pakumulingannya u Hananiya nu Mishayeli, sona nu Azaliya, babo bakaba bamanyani bache.

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Daniyeli 2:49

Pachifukwa icha zizyo u Daniyeli akalaba, u mwene akamusala u Shadiliki nu Meshaki sona nu Abedinego pakuba balongozi aba muvigaba ivya mu Babiloni, sona u Daniyeli umwenecho akikalagha kunyumba iya bumwene.

Daniyeli 2:5

U mwene akabamula akati, “Nadumula ukuti nanti mutakumbuzya ichilota chicho indotite, sona nukuti chikusanusya ichoni, po nkwiza pakubadumulannya mutuvigaba, sona zyope inyumba zyinyu zikwiza pakuba visami.

Daniyeli 3:12

Loli balipo aba Yuda bamo, babo ukabasala ukuti babanje balaghili aba muchisu icha Babiloni, kokuti u Shadilaki nu Meshaki sona nu Abedinego. Wee mwene, abantu banaba batakulukonka ululaghilo lwako, sona batakubabombela abachala bako pamo ukuchiputa ichifwani icha golide, chicho ukachisimika.”

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 3:17

Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Daniyeli 6:28

Po ivintu vikamwendela akiza nkani u Daniyeli pakabalilo aka Daliyasi, sona napakabalilo aka Sayilasi uwamu Peliziya.

Ukukumbusya Amalamulo 32:31

Abalwani babo bazimenye ukuti ilyalabwe lyabo litayanite ni Lyalabwe lyitu.