Daniyeli 3:26 - IBAYIBOLO 2024

²⁶ Panapo na panapo u mwene u Nebukadineza akapalamila kumulyango ku moto uwa muvuno ghula nukwitizya ukuti, “Mwe babombi aba Chala uwakumwanya nkani, Shadiliki nu Meshaki nu Abedinego, epamo! Zagha kuno!” U Shadilaki nu Meshaki nu Abedinego bakepamo mu muvuno ghula.

Daniyeli 3:26 Iomraidhean Croise

Ubwandilo 14:18

Po u Melekizedeki, yuyo akaba we mwene uwamu Salemu, sona umuputi usongo uwa Chala Uwakumwanya Nkani akiza kwa Abulamu ni chibama nu vinyo.

1 Abamwene 8:51

Pakuti banaba bantu bako, sona mpyana yako, babo ukabefya mu Ijiputi mumuvuno uwa moto.

Ezila 5:11

Bakatwamula bakati, “Aswe twe babombi aba Chala uwakumwanya ni chisu ichapasi. Po tukuzenga sona Inyumba iya Chala, yiyo u mwene usongo uwa Izilayeli akayizenga amaka aminji nkani ghagho ghachila.

Masalimo 66:12

Ukabitikizya abantu ukuti batukanye pamitu yitu, sona tukadumusannya mumoto na mumizi, loli ukatwinjizya muchisu icha mboto.

Yesaya 28:16

U Mwene Uwamaka Ghosi akuti, “Ennya, nkwala ibwe mu Ziyoni, ibwe ilya mutengo ilya pankuto palwalo ulwanaloli, umuntu wesi yuyo akusubila mumwache, atakwiza pakukoziwa isoni.

Yesaya 52:12

Loli mutakwiza pakwepamo lubilolubilo, pamo mutakwiza pakwepamo umwakuchimbila, pakuti u Mwene akwiza pakubalongolela, u Chala uwa Izilayeli akwiza pakuba mulindilili winyu.

Yelemiya 11:4

ulufingo lulo nkafingana na banyenya binyu bo nkubefyamo mu Ijiputi, muchiliba ichakwaka umoto. Nkati, ‘Munyivwile nukubomba chosi chicho nkubalamula, po mukwiza pakuba bantu bane, sona nkwiza pakuba ne Chala winyu.

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Daniyeli 3:17

Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Daniyeli 4:2

Nahoboka nkani pakubabuzya nizya vimanyilo ni viswigho vivyo u Chala uwakumwanya nkani ambombeye.

Daniyeli 6:20

Bo apalamila kuchiliba chila, akamwitizya u Daniyeli nubogha nkani akati, “Wee Daniyeli, we mubombi uwa Chala umumi, yuyo ukumubombelagha akabalilo kosi, nkimba akakupoka ku nkalamu?”

Daniyeli 6:21

U Daniyeli akamula akati, “Wee mwene, nkukulondela ubumi ubutali!

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Imbombo 16:17

Akamukonka u Pabuli naswe, akukolomoka akati, “Abantu aba babombi aba Chala Uwakumwanya Nkani! Bakubabuzya mumo mungapokeliwa!”

Imbombo 16:37

Loli u Pabuli akababuzya abasongo aba basilikali akati, “Abene bakatusyempela pachilundilo icha bantu loli ukusita ninongwa nayimoyimo, aswe twe ba Chiloma! Po bakatutaghila mujele. Po ilelo bakulonda ukutwefyamo chimyemye bulo? Awe, twakana! Baleke bize batwefye bene.”

Imbombo 27:23

Ubusiku bubo bwamalagha uwantumi uwakumwanya uwa Chala, yuyo wane, sona yuyo nkumuchindika akanyizila kukwane,

Aba Galatiya 1:10

Nkimba mukwinong'ona ukuti nkulonda amapalo agha bantu? Awe, loli nkulonda amapalo agha Chala. Fwandi, mukwinong'ona ukuti nkuyezya pakubahobosya abantu? Nanti nkuyezya pakuhobosya abantu, po ngali inte ne wambombo uwa Kilisitu.

Ukukumbusya Amalamulo 4:20

Loli ukunena nizya amwe, u Mwene akabefyamo mu Ijiputi, muchiliba ichakwaka umoto, umwakuti mubanje mwe bantu abache na bache. Umu momumo mubeleye ilelo.

Yoshwa 3:17

Abaputi babo bakanyamula Ibokosi ilya Lufingo ilya Mwene bakimilila pachisu ichumizu pakasi na pakasi mulusoko lula, bo aba Izilayeli bakuloboka mupaka abantu bosi bakamala pakuloboka.

Yoshwa 4:10

Abaputi babo bakanyamula Ibokosi ilya Lufingo bakaba bachili bimiliye pakasi na pakasi mulusoko ulwa Yolodani mupaka aba Izilayeli bakabomba zyosi zizyo u Mwene akamulamula u Yoshwa, ukuyana namumo u Mozesi akamubuzizya u Yoshwa. Po aba Izilayeli bakaloboka ulusoko lula umwalubilolubilo.

Ubuvumbuli 19:5

Pisinda pache nkivwa izyu ku chitengo icha bumwene likuti, “Mumupalaye u Chala witu, amwe mwe babombi bache mwebosi, amwe mwe mukumuchindika, amwe mwe basongosongo namwe bana abanandi!”