Daniyeli 3:24 - IBAYIBOLO 2024

²⁴ Po u mwene u Nebukadineza akaswigha nkani, sona akanyamuka lubilolubilo nukughalalusya amakambala ghache ukuti, “Nkimba tutabapinyite abantu batatu bala nukubasumbila mumoto uwakulungulizya?” Bakamwamula bakati, “Wee mwene, momumo.”

Daniyeli 3:24 Iomraidhean Croise

2 Imbili 22:4

Akananga nkani pamaso pa Mwene pakubomba zizyo abamunyumba iya Ahabu bakabomba, pachifukwa ichakuti bakaba bo babo bakamanyisya amahala bo u wise afwa.

Daniyeli 3:17

Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Daniyeli 3:23

Po u Shadilaki nu Meshaki nu Abedinego bakawila mumoto uwa muvuno ghula bo bapinyiwe.

Daniyeli 3:25

U mwene yula akati, “Ennya nkubennya abantu folo bakwendakwenda mumoto bo basatuliwe, sona batavulaye napo panandi. Umuntu wafolo akuboneka ngati po mwana uwa bachala.”

Daniyeli 4:22

Wee mwene, ikwi lila wewe. Awe waba we mukulu sona wamaka nkani, ubukulu bwako bwafika mupaka kumwanya, sona ubulaghili bwako bwasata pachisu chosi ichapasi.

Daniyeli 4:27

Polelo wee mwene, itika bulo zizyo nkukubuzya. Zileke imbibi zyako, ubombaye ingolosu pakubapelela ichisa abapina. Po ivintu vyosi vikwiza pakukwendelagha akiza akabalilo kosi.”

Daniyeli 5:18

“Wee mwene, ivwa kuno, u Chala Uwakumwanya Nkani akamupela ughuso u Nebukadineza pakuba we mwene umukulu nkani, sona akamupa ubuchindamu nu bumwene.

Daniyeli 5:6

Po icheni chache chikasulumannya umwakuti akanyila nkani, umwakuti ivimpevu vyache vikanda pakutetema.

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Daniyeli 6:7

Aswe twebosi poka twe balongozi na balaghili na makambala sona na balaghili twivwana ukuti ubike ululaghilo ulwakuti nanti umuntu yumo aghiwa akubiputa abachala abanji, pamo umuntu uyunji mumasiku 30 ghagho ghakwiza, ukwefyako awe wemwene asumbiwanje muchiliba icha nkalamu.

Imbombo 12:13

U Pitala akakong'osya pamulyango uwakuzi, po uwambombo umulindu yuyo akaba we Loda akiza pakumwighulila.

Imbombo 26:13

Mwene, bo izuba lyafika pamutu, bo indi muzila, nkennya ulukozyo ulwakulama nkani ukuchila ukulama ukwa izuba ukufuma kumwanya kukandamila na bantu babo nkendagha babo.

Imbombo 26:27

Wee Mwene Agilipa, nkimba ukughasubila amazyu agha balaghuzi? Inzimenye ukuti ukusubila!”

Imbombo 9:6

Loli nyamuka nukubuka mukaya akakulu nkani mumo bakwiza pakukubuzya zizyo ubaghiye pakubomba.”

1 Samuweli 17:55

Bo u Sabuli akumwennya u Devedi akubuka pakulwa nu mu Filisiti yula, akamulalusya u Abinala, usongo uwa basilikali bache akati, “Nkimba umulumendo uyu mwana wawenu?” U Abinala akamwamula akati, “Wee mwene, nkulapa mwitabwa lyako ukuti ntamumenye.”