Daniyeli 3:22 - IBAYIBOLO 2024

²² Ululaghilo ulwa mwene lukaba lwalubilolubilo, sona umoto uwa muvuno ghula ghukaba wakocha nkani, umwakuti indimi izya moto zikabaghogha abasilikali, babo bakamunyamula u Shadilaki nu Meshaki nu Abedinego.

Daniyeli 3:22 Iomraidhean Croise

1 Abamwene 13:28

po akabuka nukuwagha umuvimba ghulambalaye pamusebo, bo inkalamu ni mpunda vyimiliye palubazu palapala, pakuti inkalamu yitakaghulya umuvimba pamo ukuyizepulannya impunda.

Ukufuma 12:33

Aba Ijiputi bakabalambilizya aba Izilayeli ukuti bepemo lubilolubilo muchisu chabo nukuti, “Nanti mutakwepamo, kokuti twebosi tukwiza pakufwa.”

Ivyili 11:8

Umuntu umugholosu akupokiwa kuntamyo, po mubuzilo bwache intamyo zilazila zikumuwila umuntu umubibi.

Ivyili 21:18

Umuntu umubibi akwiza pakuba chakumutabulila umuntu umugholosu, sona babo bate basubiliwa bakwiza pakuba chakubatabulila abagholosu.

Daniyeli 1:7

Usongo uwa makambala yula akabita abalumendo bala amatabwa aghanji. Amatabwa ghabo ghakaba gho agha: U Daniyeli akaba we Belitishazala, u Hananiya akaba we Shadilaki, u Mishayeli akaba we Meshaki, sona u Azaliya akaba we Abedinego.

Daniyeli 2:15

Akamulalusya u Aliyoki akati, “Nkimba choni chicho u mwene abika ululaghilo ulukafu nkani bunubu?” U Aliyoki akamulingannya u Daniyeli ichifukwa chache.

Daniyeli 6:24

U mwene akalamula, po abantu bosi babo bakamususyanga u Daniyeli bakalemiwa nukusumbiwa muchiliba icha nkalamu poka na bachi babo, sona na bana babo. Bo batafikite pasi pachiliba, inkalamu zila zikabakanyankila nukughapyolannya amafupa ghabo.

Matayi 27:5

U Yudasi akasumba indalama zila pasi mu Nyumba iya Chala nukubuka. Po akabuka nukwipinyilila mwene.

Imbombo 12:19

U Helodi akalamula ukuti bamulondelezye, loli batakamwagha. Po abalindilili bakalalusiwa na malalusyo nukulamuliwa ukuti abene bo babo baghoghiwe. Pisinda pazinizi, u Helodi akepamo muchigaba icha Yudeya nukubuka mu Kesaliya pakwikala.