Daniyeli 3:20 - IBAYIBOLO 2024

²⁰ sona akabalamula abasilikali bache bamo abamaka nkani ukuti bamupinye u Shadiliki nu Meshaki nu Abedinego nukubasumbila mumoto uwa muvuno ghula.

Daniyeli 3:20 Iomraidhean Croise

Daniyeli 1:7

Usongo uwa makambala yula akabita abalumendo bala amatabwa aghanji. Amatabwa ghabo ghakaba gho agha: U Daniyeli akaba we Belitishazala, u Hananiya akaba we Shadilaki, u Mishayeli akaba we Meshaki, sona u Azaliya akaba we Abedinego.

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 3:19

U mwene yula akamukalalila nkani u Shadiliki nu Meshaki nu Abedinego, sona akakalala nkani ukuchila pakwanda pala. Po akalamula ukuti bapembe umoto uwa muvuno akaseveni ukuchilapo,

Daniyeli 3:21

Po abantu banaba bakapinyiwa, bo bavwalite inkazo zyabo, na mashati amatali, ni vipewa, sona na menda aghanji nukusumbiwa mumoto uwa muvuno ghula.

Imbombo 16:23

Bo babasyempa nkani bakabataghila mujele, po bakamulamula umulindilili uwa jele yula ukuti ighalile nkani.

Imbombo 16:25

Pakasi pabusiku u Pabuli nu Sila bakiputagha nukwimba inyimbo izya Chala, po abakayidi abamwabo bakabateghelezyanga.