Daniyeli 3:17 - IBAYIBOLO 2024

¹⁷ Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Daniyeli 3:17 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 18:14

Nkimba chilipo chimo chicho chingamupota u Mwene? Ukuyana namumo u Mwene anenela, mumwaka uwa indabi, pakabalilo kanaka, u Sala akwiza pakuba nu mwana umulumendo.”

Yobu 34:29

Loli nanti naloli u Chala abanga bulo myee, nkimba wewenu yuyo angamupa inongwa? Nanti angafisa icheni chache, nkimba wewenu yuyo angamwennya? Pope bulo weyuyo akumusungilila umuntu, sona ni inko zyosi umwakuyana bulo,

Yobu 5:19

Akabalilo na kabalilo, akwiza pakukupokagha kumayimba, nazimozimo intamyo zikwiza pakukuwila.

Masalimo 115:3

U Chala witu ali kumwanya, sona akubomba zyosi zizyo zikumuhobosya.

Masalimo 37:39

Ubupoki ubwa bantu abagholosu bukufuma kwa Mwene, sona we lilinga lyabo pakabalilo akantamyo.

Masalimo 37:40

U Mwene akubavwa nukubapoka. Akubapoka munyobe izya bantu ababibi, pachifukwa ichakuti bakuchimbilila kukwache.

Masalimo 73:20

Wee Mwene, ukwiza pakubachimbizya abantu banaba, ngati muntu yuyo akulota, akuvisamula ivilota vyache pandabindabi

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 54:14

Mukwiza pakwikalana mubugholosu, abantu babo bakakuyivyanga, bakwiza pakuba kubutali nawe, sona mutakwiza pakunyilagha nachimochimo, Po chitakwiza pakukupalamila.

Yelemiya 1:8

Utakabanyilaye, pakuti indi nawe sona nkwiza pakukupoka. Ane ne Mwene nanena!”

Yelemiya 15:20

Nkwiza pakukupela awe pakuba we lubumba ulwa bantu aba, ilinga ilya mukuba. Bakwiza pakulwa nawe, loli batakwiza pakukupota, pakuti ane indi nawe pakukwavwa nukukupoka. Ane ne Mwene nanena.

Yelemiya 15:21

“Nkwiza pakukupoka ku bantu ababibi sona nkwiza pakukutabula ku bantu abakali.”

Daniyeli 3:26

Panapo na panapo u mwene u Nebukadineza akapalamila kumulyango ku moto uwa muvuno ghula nukwitizya ukuti, “Mwe babombi aba Chala uwakumwanya nkani, Shadiliki nu Meshaki nu Abedinego, epamo! Zagha kuno!” U Shadilaki nu Meshaki nu Abedinego bakepamo mu muvuno ghula.

Daniyeli 4:35

Abantu bosi aba muchisu ichapasi, bantu bulo pamaso papache. Akubomba vivyo vikumuhobosya, na maka agha kumwanya, sona nagha bantu aba pachisu ichapasi. Atalipo nayumoyumo yuyo angayikanizya inyobe yache, pamo pakumulalusya ukuti, “Nkimba ukubomba ichoni?”

Daniyeli 6:16

Po u mwene akalamula ukuti bamusende u Daniyeli nukumusumbila muchiliba icha nkalamu chila. U mwene yula akamubuzya u Daniyeli akati, “U Chala wako yuyo ukumwiputa akupokaye!”

Daniyeli 6:23

U mwene yula akahoboka nkani umwakuti akalamula ukuti bamwefyemo u Daniyeli muchiliba icha nkalamu chila. Bo bamwefyamo u Daniyeli muchiliba mula, atakabapo ni chilonda nachimochimo, pachifukwa ichakuti akamusubila u Chala wache.

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Luka 1:37

Pakuti chitalipo nachimochimo chicho chingamupota u Chala.”

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Imbombo 21:13

Loli u Pabuli akamula akati, “Nkimba choni chicho mukulila nukumpa ichitima? Intiyanizye kwene pakupinyiwa, loli na pakufwa bulo mu Yelusalemu pachifukwa icha Mwene u Yesu.”

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

2 Aba Kolinti 1:10

Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona,

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.

1 Samuweli 17:37

U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”

1 Samuweli 17:46

Umusanya ughu u Mwene akwiza pakukubika munyobe zyane sona nkwiza pakukukoma nukukudumula umutu. Umusanya ughu nkwiza pakuvisumbila iviyuni ni vinyamana imivimba iya basilikali aba Filisiti, sona ichisu chosi ichapasi chikwiza pakumanya ukuti mu Izilayeli alimo u Chala.