Daniyeli 3:10 - IBAYIBOLO 2024

¹⁰ Wee mwene, wabika ululaghilo ulwakuti nanti umuntu wesi ivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana afughamaye pasi pakuchiputa ichifwani icha golide

Daniyeli 3:10 Iomraidhean Croise

1 Imbili 15:16

U Devedi akabalamula abalongozi aba ba Levi ukuti basale abawamwabo bamo pakwimba inyimbo izya palusekelo pakubombezya amapango ni vinanda na malimba.

1 Imbili 15:28

Po aba Izilayeli bosi bakiza ni Bokosi ilya Lufingo ilya Mwene bo bakukolomoka nkani nukulizya impembe izya badubi na mapati na malimba na mapango sona ni vinanda.

2 Imbili 29:25

Po akababika aba Levi mu Nyumba iya Mwene bo bali na mapango ni vinanda ni vivisekeseke ukuyana namumo akanenela u Devedi nu mwenelezyi u Gadi nu mulaghuzi u Natani. U Mwene weyuyo akalamula bunubu ukwendela mu balaghuzi bache.

Masalimo 94:20

Nkimba abalongi abamabeko bangamanyana namwe, babo bakubomba ububibi pakususannya ni ndaghilo?

Ukufuma 1:16

“Bo mukubapapizya abakolo aba Chihebeli mubenelezye nkani, nanti mwana mulumendo, mumughoghe, loli nanti mwana mulindu mumuleke mumi.”

Ukufuma 1:22

Po u Falabo akabalamula abantu bache akati, “Ubonda wesi ukatote umulumendo umu Hebeli mumusumbilaye mulusoko ulwa Nayilo, loli mubaleke ababonda bosi abalindu bumi.”

Umulumbilili 3:16

Ichintu choka chicho nachennya pachisu ichapasi chakuti, papo pali ubulongi ubwanaloli pali ububibi sona papo pali ubugholosu, ububibi bope buli palapala.

Yesaya 10:1

Chighune kubabo bakupinya indaghilo imbibi, sona kubabo bakusimba indaghilo izya kubayivya abamwabo,

Daniyeli 3:11

sona nukuti nanti umuntu wesi atakufughama pakuchiputa akwiza pakusumbiwa mumoto uwa muvuno.

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 6:12

Po bakabuka pamaso pa mwene nukumulalusya ukuti, “Wee mwene, nkimba utabikite ululaghilo ulusimbe ulwakuti mumasiku 30 ghagho ghakwiza, nanti umuntu yumo aghiwa akubiputa abachala abanji pamo umuntu uyunji ukwefyako awe wemwene asumbiwanje muchiliba icha nkalamu?” U mwene yula akamula akati, “Eee ululaghilo luli bulo bulabula, ukuyana ni ndaghilo izya Medi naba Peliziya lutakwanduka nalumolumo.”

Amosi 6:5

Mwighanite nkani pakwata inyimbo ngati we Devedi nukwimba ni vyakwimbila.

Yohani 11:57

Abaputi abasongo naba Falisayi bakalamula bakati nanti alipo yumo yuyo amenye kuko u Yesu akaba, abuke ababuzye, umwakuti babuke bamuleme.