Daniyeli 2:6 - IBAYIBOLO 2024

⁶ Loli nanti mwambuzya ichilota chicho indotite, sona nukundingannya ukuti chikusanusya ichoni, nkwiza pakubapa ivyabupi nu muvwalo, sona mukwiza pakuchindikiwa nkani. Po mumbuzye ichilota chane, sona nukuti chikusanusya ichoni.”

Daniyeli 2:6 Iomraidhean Croise

Daniyeli 2:48

Po u mwene akamupa u Daniyeli ichitengo icha pamwanya nkani nukumulundikila ivyabupi ivyiza ivyinji nkani. Akamubika pakuba mulaghili uwa chisu chosi icha Babiloni, akamubika sona pakuba we songo uwa bantu bosi abamahala.

Daniyeli 5:29

Po u Belishazala akalamula ukuti bamuvwikaye u Daniyeli amenda amachesamile nu bunyololo ubwa golide musingo yache, sona akamukwezya pachitengo ukuti abanje wabutatu muchisu chilachila.

Daniyeli 5:7

U mwene yula akabitizya abalaghuzi abakunena ni mizimu na basanuzyi aba vilota, ukuti bize pamaso papache. Po akababuzya abantu abamahala akati, “Umuntu wesi yuyo angabelenga amasimbo ghanagha nukumubuzya ukuti ghakusanusya choni, akwiza pakuvwikiwa inkazo inchesamile, sona nu bunyololo ubwa golide musingo yache, po akwiza pakukweziwa pachitengo pakuba wabutatu mubumwene bwane.”

Ukubelengiwa 22:17

Ane nkwiza pakukulipila akiza nkani nukukubombela chosi chicho wambuzya. Zagha ungunile abantu banaba.’ ”

Ukubelengiwa 22:37

U Balaki akamulalusya u Balamu akati, “Nkimba ntakakutumila amazyu ukuti wize? Nkimba choni chicho utakiza? Nkimba ukinong'onagha ukuti ntangakulipila akiza nkani?”

Ukubelengiwa 22:7

Po abalongozi aba ba Mowabu naba Midiyani bakabuka, sona bakapaya indalama izyakulaghulila. Bo bafika kwa Balamu bakamubuzya amazyu agha Balaki ghala.

Ukubelengiwa 24:11

Losi ulu bwelagha! Ane nkakubuzya ukuti nkwiza pakukuchindika nkani, loli u Mwene akukanizya ukuti nkuchindike.”