Daniyeli 2:5 - IBAYIBOLO 2024

⁵ U mwene akabamula akati, “Nadumula ukuti nanti mutakumbuzya ichilota chicho indotite, sona nukuti chikusanusya ichoni, po nkwiza pakubadumulannya mutuvigaba, sona zyope inyumba zyinyu zikwiza pakuba visami.

Daniyeli 2:5 Iomraidhean Croise

2 Abamwene 10:27

Po bakachimongolannya ichifwani icha Baala, sona ni nyumba iya Baala nukuyipela pakuba lizyenje, umwakuti abantu bakulibombezya mupaka nilelo bulo.

Ezila 6:11

Nkubika ululaghilo ulwakuti nanti umuntu andula zizyo nalamula, ulutaliko ulwa nyumba yache luwesiwanje nukumukomela palapala, po inyumba yache yikwiza pakuba chituntululu.

Masalimo 50:22

“Amwe mwe mumuluvyizye u Chala, muzyinong'onaye izi, lumo ningabazepulannya, po atalipo nayumoyumo umuntu uwakubapoka.

Masalimo 58:7

Baleke bazimile bulo ngati mizi ghagho ghakwenda, leka utulasilo twabo tufokaye munyobe zyabo ngati lisote.

Daniyeli 2:12

Bo u mwene ivwa zinizi, akakalala nkani umwakuti akalamula ukuti abantu bosi abamahala aba muchisu icha Babiloni baghoghiwanje.

Daniyeli 3:29

Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”

Daniyeli 4:9

Nkamubuzya nkati, Wee Belitishazala, we songo uwa bamayele, inzimenye ukuti umuzimu uwa bachala abazelu ghuli mumwako, sona nukuti chitalipo nachimochimo ichakubusyefu chicho chipalapala kukwako. Ichi cho chilota chicho indotite, po losi ulu unsanusizyanje.

Ukukumbusya Amalamulo 13:16

Muvibungannye poka ivintu vyosi ivya bantu aba mukaya kala nukuvibika pamunalo. Po mukalungulizye akaya kala poka ni vintu vyosi ukuti chibanje chakwiyipa ichakocha kwa Mwene u Chala winyu. Akaya kala kabanje chisami bwila na bwila, po katakazengiwanje sona.

Yoshwa 6:26

Pakabalilo kalakala u Yoshwa akabasoka nkani abantu akati, “U Mwene amughunaye umuntu wesi yuyo akwiza pakukazenga sona akaya aka Yeliko. Umuntu wesi yuyo akwiza pakwala sona ulwalo lwakaya akakulu nkani kanaka, umwana wache ukatote akwiza pakufwa. Umuntu wesi yuyo akwiza pakubika sona imilyango iya kaya akakulu nkani kanaka, umwana wache unkwangu akwiza pakufwa.”

1 Samuweli 15:33

Loli u Samuweli akati, “Upanga wako abapelela abakolo pakuba basita bana, umwakuyana bulo unyoko akwiza pakuba musita bana.” Po u Samuweli akamudumulannya u Agagi yula pamaso pa Mwene mu Giligali.