Daniyeli 2:49 - IBAYIBOLO 2024

⁴⁹ Pachifukwa icha zizyo u Daniyeli akalaba, u mwene akamusala u Shadiliki nu Meshaki sona nu Abedinego pakuba balongozi aba muvigaba ivya mu Babiloni, sona u Daniyeli umwenecho akikalagha kunyumba iya bumwene.

Daniyeli 2:49 Iomraidhean Croise

Esitele 2:19

Bo bababungannya abalindu bala ulwabubili, u Molodikayi akikalagha pamulyango uwa nyumba iya mwene.

Esitele 2:21

Pakabalilo kalakala u Molodikayi akaba wakwenelezya pamulyango uwa nyumba iya mwene, po u Bigitana nu Teleshi amakambala agha mwene, ghagho ghakalindililagha pamulyango palapala bakakalala nkani, umwakuti bakabatika nizya kumughogha u mwene u Ahaziwelo.

Esitele 3:2

Po amakambala ghosi agha kunyumba iya bumwene ghakamufughamilila nukumuchindika u Hamani, pakuti u mwene weyuyo akalamula ukuti zinizi zibanje bunubu. Loli u Molodikayi akakana pakumufughamilila pamo ukumuchindika.

Ivyili 28:12

Nanti abagholosu bakupota pakuba ukululutila ukukulu nkani, loli nanti ababibi bakwela pachitengo abantu bakuvwama.

Yelemiya 39:3

Po amakambala ghosi agha mwene uwa chisu icha Babiloni ghakinjila nukwikala pa Mulyango uwa Pakasikasi. Ghakaba gho agha: U Neligali Shalezala uwamu Samugala nu Nebo Salasekimu usongo nkani uwa basilikali nu Neligali Shalezala, ikambala ilya pamwanya poka na makambala ghosi aghanji agha mwene uwamu Babiloni.

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 1:7

Usongo uwa makambala yula akabita abalumendo bala amatabwa aghanji. Amatabwa ghabo ghakaba gho agha: U Daniyeli akaba we Belitishazala, u Hananiya akaba we Shadilaki, u Mishayeli akaba we Meshaki, sona u Azaliya akaba we Abedinego.

Daniyeli 2:17

Po u Daniyeli akanyokela kunyumba yache pakumulingannya u Hananiya nu Mishayeli, sona nu Azaliya, babo bakaba bamanyani bache.

Daniyeli 3:1

U mwene u Nebukadineza akapanga ichifwani icha golide, ubutali chikaba amamita 27, sona mububaba chikaba amamita matatu. Po akachisimika mwikombe ilya Dula muchisu icha Babiloni.

Daniyeli 6:2

Po akamusala u Daniyeli poka na banji babili ukuti benelezyanje imbombo iya balaghili, umwakuti u mwene atakayimbaye nachimochimo.

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.