Daniyeli 2:47 - IBAYIBOLO 2024

⁴⁷ U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Daniyeli 2:47 Iomraidhean Croise

Ubwandilo 41:39

U Falabo akamubuzya u Yosefu akati, “Pakuti u Chala akuvumbulila vyosi vinivi, patalipo nayumo umuntu yuyo avimenye ivintu ivi, sona uwamahala muchisu ichi ukukuchila.

2 Abamwene 5:15

Pisinda pache u Naamani poka na bambombo bache bakanyokela kumuntu uwa Chala yula. Bakimilila pamaso papache nukumubuzya ukuti, “Naloli nazimanya ukuti atalipo u Chala uyunji muchisu ichapasi, loli mwene mu Izilayeli. Nalamba pokela ichabupi chane ichi.”

Yobu 12:19

Abaputi akubafyula amahala ghabo, nukubefya pachitengo abantu abamaka.

Masalimo 136:2

Mumupalizyanje u Chala uwa bachala. Ulughano lwache lwa bwila na bwila.

Masalimo 136:3

Mumupalizyanje u Mwene uwa bamwene. Ulughano lwache lwa bwila na bwila.

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 82:1

U Chala akulongozya palukomano lwache ulukulu, ali pakubalonga inongwa abachala.

Masalimo 96:4

Pakuti u Mwene we mukulu, yuyo amapalo ghope ghamubaghiye nkani, sona abantu bosi bamunyilaye ukubachila abachala abanji.

Ezekiyeli 26:7

“Pakuti u Mwene Uwamaka Ghosi akuti: Nkwiza nu mwene u Nebukadineza uwamu Babiloni yuyo we mwene uwa bamwene, yuyo akwiza pakufumila kumitu pakulwa naba Tile, ali ni ngolo na bantu babo bakwelite pafalasi, ni chibukatila ichikulu icha basilikali.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 2:19

Pabusiku izyakubusyefu zila zikavumbuliwa muvisetuka kwa Daniyeli. Po u Daniyeli akamupala u Chala uwakumwanya

Daniyeli 2:22

Akuvivumbula ivintu ivyakubusyefu ivyibizu, azimenye zyosi zizyo zikubombiwa muchisi, sona wemwenecho uwa lukozyo.

Daniyeli 2:28

Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Daniyeli 2:29

“Wee mwene, bo ulambalaye palapala ukinong'onagha nizya muntazi, po yuyo avumbula izyakubusyefu akakulanjizya vivyo vikwiza pakubombiwa muntazi.

Daniyeli 2:30

Izyakubusyefu zinizi, zitakuvumbuliwa kukwane pachifukwa ichakuti indi na mahala nkani, ukubachila abantu, loli ukuti awe we busanuzyi bwache, sona nukuti wivwisye zizyo ukinong'onagha.

Daniyeli 2:37

Awe we mukulu nkani pakasi pa bamwene bosi, po u Chala uwakumwanya akupiye ubumwene, na maka nu bulaghili, sona nu buchindamu.

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Daniyeli 3:29

Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 4:32

Ukwiza pakuchimbiziwapo pakasi pabantu sona ukwiza pakwikalagha poka ni vinyamana ivya muzi. Ukwiza pakulyanga isote ngati ng'ombe, pakwiza pakuchilapo amaka seveni mupaka umanye ukuti Uwakumwanya Nkani akulaghila ubumwene bosi ubwa bantu, sona akumupa umuntu wesi yuyo akulonda pakumupa.”

Daniyeli 5:11

Mubumwene bwako muno alipo umuntu yumo, yuyo ali nu muzimu uwa bachala abazelu mumwache. Pakabalilo aka ghuso akaba muntu yula uwakuvyaghannya ivintu nu mumanyi, sona nu wamahala ngati gha bachala. Ughuso u Nebukadineza akamusala pakuba we songo uwa bamayele, nuwa balaghuzi nuwa bantu abakunena ni mizimu nuwa basanuzyi aba vilota, sona.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

1 Aba Kolinti 14:25

Inyinong'ono zyache izyakubusyefu zikwiza pakuboneka pabuzelu. Po akwiza pakufughamila pasi nukumwiputa u Chala nukwilata ukuti, “Naloli u Chala ali mumwinyu.”

Ukukumbusya Amalamulo 10:17

Pakuti u Mwene, u Chala winyu ali pamwanya pa bachala bosi, sona we Mwene uwa bamwene, we Chala umukulu nu wamaka, sona wakoghofya nkani. Atakwennya icheni icha muntu sona atangabekiwa.

1 Timoti 6:15

Ukuboneka kwache kukwiza pakulanjiziwa pakabalilo kache akiza, kako kakayaniziwa nu Chala, umusayiwa, sona yuyo Mulaghili mwene, Usongo uwa basongo, sona nu Mwene uwa bamwene.

Yoshwa 22:22

“Uwamaka Ghosi we Chala! We Mwene! Uwamaka Ghosi we Chala! We Mwene! Achimenye ichifukwa chicho tukabombela bunubu, sona namwe bulo muchimanye! Nanti tukamusambukila u Mwene pachifukwa ichakusita kumwivwila, mutakatwitikizye ukuti tubanje nubumi.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”