Daniyeli 2:46 - IBAYIBOLO 2024

⁴⁶ Po u mwene u Nebukadineza akafughama pamaso pa Daniyeli, sona akamuchindika nkani, umwakuti akalamula ukuti ichakwiyipa poka nu twakufukizya utwakununkila vibikiwanje pamaso papache.

Daniyeli 2:46 Iomraidhean Croise

Ezila 6:10

umwakuti babikaye ivyakwiyipa vivyo vikumuhobosya u Chala uwakumwanya, sona munyiputilaye ukuti u Chala ansaye poka na bana bane abalumendo.

Daniyeli 3:5

Nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, mufughamaye pasi pakuchiputa ichifwani icha golide, chicho u mwene u Nebukadineza akachisimika.

Daniyeli 3:7

Po bo bivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana abantu bosi naba inko zyosi nuluko losi sona na baneno izyakulekanalekana, bakafughama pasi nukuchiputa ichifwani icha golide chila, chicho u mwene u Nebukadineza akachisimika.

Daniyeli 8:17

Bo akupalamila papo nkimilila, nkanyila po nkawa ubukupama. Akambuzya akati, “Wee mwana uwa muntu, uchivwisye ichisetuka chikunena nizya masiku aghabumalilo.”

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Luka 17:16

Akisumba pasi munyayo izya Yesu nukumupalizya. Umuntu uyu akaba Musamaliya.

Imbombo 10:25

Bo u Pitala ali papipi pakwinjila, u Kolineliya akiza ukuti amupokele. Po akamufughamilila muvinama vyache.

Imbombo 14:13

Inyumba iyakwiputilamo u chala u Zebusi yikaba kuzi kukaya akakulu nkani, po umuputi uwa kunyumba yila akiza ni nkambaku nu bwezya pamulyango uwa lupaso pakuti yuyo ni chilundilo bakalondagha pakubika ivyabupi ku batumiwa.

Imbombo 28:6

Abantu bala bakalindililagha ukuti akwiza pakwizula pamo akwiza pakuwa pasi nukufwa lubilolubilo. Loli bo balindilila akabalilo akatali ukusita ukumubonekela chimo ichiyeni bakanyosyako inyinong'ono zyabo nukuti, “Umuntu uyu ko ka chala!”

Ubuvumbuli 11:16

Po abasongo 24 babo bakwikala pa vitengo vyabo ivya bumwene pamaso pa Chala bakakupamila pasi nukumwiputa u Chala.

Ubuvumbuli 19:10

Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”

Ubuvumbuli 22:8

Ane ne Yohani, nivwa nukwennya ivintu vinivi. Bo navyivwa nukuvyennya, nkawa pasi munyayo izya wantumi yuyo akandanjizya ivintu vinivi, po nkamwiputa.