Daniyeli 2:45 - IBAYIBOLO 2024

⁴⁵ Ubu bo busanuzyi ubwa chisetuka icha libwe lilyo likadumuliwa kwighamba, te muntu akalibunguluzya awe, kokuti ibwe lilyo likatizannya ichifwani icha chela nicha mukuba nicha litope nicha siliva sona nicha golide. “U Chala umukulu nkani akulanjizya zizyo zikwiza pakuboneka muntazi. Ichilota chinichi chanaloli, sona nakubuzya ubwanaloli bosi.”

Daniyeli 2:45 Iomraidhean Croise

Ubwandilo 41:26

Ing'ombe seveni inyine, maka seveni, sona imitu iya malezi yiyo yikela akiza, maka seveni, ichilota chili choka.

Ubwandilo 41:28

“Zili ngati mumo namubuzizya u Falabo zizyo u Chala akwiza pakubomba.

Ubwandilo 41:32

Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.

2 Samuweli 7:22

“Wee Mwene Uwamaka Ghosi, we mukulu nkani. Ukuyana namumo twivwila na makutu ghitu, atalipo nayumoyumo yuyo ayanite nawe, sona atalipo u Chala uyunji, loli awe we mwene mpela.

1 Imbili 16:25

Pakuti u Mwene we mukulu, yuyo amapalo ghope ghamubaghiye nkani sona abantu bosi bamunyilaye ukubachila abachala abanji.

Nehemiya 4:14

Loli bo nabwennya ubogha bwabo, nkimilila nukubabuzya abalongozi na makambala sona na bantu bosi nkati, “Mukatabanyilaye abantu banaba. Loli mumukumbukaye u Mwene, yuyo mukulu nu wakoghofya. Mubalwile ubwite abakamu binyu na bana binyu abalumendo na balindu na bachi binyu sona nutwaya twinyu.”

Nehemiya 9:32

“Polelo wee Chala witu, we wamaka nkani sona nu wakoghofya, wewe ukusunga ulufingo lwako ulwa lughano, utakitikizyanje ukuti amayimba ghitu ghanagha ghabonekaye mapepe kukwako. Amayimba ghatuwila aswe na bamwene bitu na balongozi bitu na baputi bitu na balaghuzi bitu na banyenya bitu sona na bantu bako bosi ukwandila pakabalilo aka bamwene aba mu Asiliya mupaka nilelo bulo.

Yobu 36:26

Naloli u Chala mukulu, umwakuti tutangamwivwisya! Sona amaka ghache ghatangabelengiwa.

Masalimo 135:5

Inzimenye ukuti u Mwene mukulu nkani, inzimenye sona ukuti u Mwene mukulu nkani ukubachila abachala bosi.

Masalimo 145:3

U Mwene we mukulu, sona amapalo ghamubaghiye, Atalipo umuntu nayumoyumo yuyo angabwivwisya ubukulu bwache.

Masalimo 2:9

Ukwiza pakubakoma ni ndisa iya chela, sona ukwiza pakubafwantannya ngati yo sonta.”

Masalimo 48:1

U Mwene mukulu nkani, yuyo amapalo ghamubaghiye. Tumupalaye mukaya kache akakulu nkani bo ali pighamba lyache izelu.

Masalimo 96:4

Pakuti u Mwene we mukulu, yuyo amapalo ghope ghamubaghiye nkani, sona abantu bosi bamunyilaye ukubachila abachala abanji.

Yesaya 28:16

U Mwene Uwamaka Ghosi akuti, “Ennya, nkwala ibwe mu Ziyoni, ibwe ilya mutengo ilya pankuto palwalo ulwanaloli, umuntu wesi yuyo akusubila mumwache, atakwiza pakukoziwa isoni.

Daniyeli 2:24

Po u Daniyeli akamubuzya u Aliyoki, yuyo u mwene akamusala ukuti abaghoghe abantu abamahala aba mu Babiloni akati, “Utakabaghoghaye abantu abamahala aba mu Babiloni. Twende unsindikile pamaso pa mwene, po nkwiza pakumusanuzizya.”

Daniyeli 2:28

Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Daniyeli 2:29

“Wee mwene, bo ulambalaye palapala ukinong'onagha nizya muntazi, po yuyo avumbula izyakubusyefu akakulanjizya vivyo vikwiza pakubombiwa muntazi.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 8:25

Pachifukwa icha buzimbuli bwache akwiza pakupota. Akwiza pakwituvya nukubanangannya abantu abinji nkani, sona akwiza pakumusambukila u mwene uwa bamwene. Pope bulo akwiza pakunanganika loli te namaka agha bantu.

Hagayi 2:22

Nkwiza pakubawisya abamwene aba inko izinji na maka agha bumwene bwabo. Nkwiza pakuzing'anamulannya ingolo zyabo poka nabakwendezya babo, ni falasi sona naba kukwelapo babo nukughamala amaka agha inko injeni. Ifalasi zikwiza pakufwa, sona bope abakukwelapo bakwiza pakughoghana, umuntu wesi nupanga uwa mukamu wache.’

Zekaliya 12:3

Pisiku lilalila, bo inko zyosi izya pachisu ichapasi zimubunganiye, nkwiza pakumupela u Yelusalemu pakuba libwe lilyo litakuyingana pakasi pa inko zyosi. Abantu bosi babo bakuyezya pakuliyingannya bakwiza pakwivulazya bene.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Matayi 21:24

U Yesu akabamula akati, “Leka imbalalusye ilalusyo lyoka bulo, po nanti mwanyamula, nkwiza pakubabuzya ubulaghili bubo indi nabo pakubomba zinizi.

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Luka 17:20

Aba Falisayi bamo bakamulalusya u Yesu bakati, “Nkimba u Chala akwiza pakwikazya liyi Ubumwene bwache?” U Yesu akamula akati, “U Chala akwiza pakwikazya Ubumwene bwache umwakuboneka na maso.

Ukukumbusya Amalamulo 10:17

Pakuti u Mwene, u Chala winyu ali pamwanya pa bachala bosi, sona we Mwene uwa bamwene, we Chala umukulu nu wamaka, sona wakoghofya nkani. Atakwennya icheni icha muntu sona atangabekiwa.

Ubuvumbuli 1:19

Polelo simba vivyo wavyennya, ivintu vivyo vikubombiwa ilelo, sona na vivyo vikwiza pakubombiwa muntazi.

Ubuvumbuli 19:17

Po nkamwennya uwantumi imiliye pizuba. Akakolomoka nkani nukuvibuzya iviyuni vyosi vivyo vikabulukagha mumwanyamwanya akati, “Zagha, mubungane poka pa lusekelo ulukulu nkani ulwa Chala!

Ubuvumbuli 4:1

Pisinda pache nkennya ichisetuka nukulwennya ulwiyi lwighuke kumwanya. Sona izyu itazi lila lilyo nkivwa likaba ngati lyo lipati likati, “Zagha kumwanya kuno, nkwiza pakukulanjizya ivintu vivyo vikwiza pakubombiwa pisinda pavinivi.”