Daniyeli 2:44 - IBAYIBOLO 2024

⁴⁴ “Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 2:44 Iomraidhean Croise

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

2 Samuweli 7:13

Umwana yunuyu akwiza pakunzengela inyumba, sona nkwiza pakubwikazya ubumwene bwache bwila na bwila.

2 Samuweli 7:16

Inyumba yako nu bumwene bwako vikwiza pakubangako bwila na bwila pamaso papane. Ubumwene bwako bukwiza pakwikalana bwila na bwila.’ ”

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Yesaya 60:12

Pakuti uluko pamo ubumwene, bubo butakukubombela bukwiza pakuzimila, ubumwene bukwiza pakumalila zila.

Ezekiyeli 37:25

Bakwiza pakwikala muchisu chicho nkamupa umubombi wane u Yakobo, ichisu chicho abanyenya binyu bakikalaghamo. Babo na bana babo na bizikulu babo bakwiza pakwikala bwila na bwila, sona umubombi wane u Devedi akwiza pakuba we mwene wabo bwila na bwila.

Daniyeli 2:28

Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Daniyeli 2:34

Bo ukwennya, ibwe lilyo litakapangiwa ni nyobe izya muntu, likadumuliwa. Ibwe lila likatizannya inyayo izya chela ichakongannya ni tope izya chifwani chila.

Daniyeli 2:35

Po ichela ni tope nu mukuba nu siliva, sona nu golide vikatiziwa pakabalilo koka, nukuba ngati lufumbi pabuzilo ubwakukomelapo inyinulo. Impepo yikavipupuzya sona patakasyalapo nakamokamo akantu. Loli ibwe lilyo likatizannya ichifwani chila likanduka pakuba lighamba ikulu nkani, sona likizula pachisu chosi ichapasi.

Daniyeli 2:37

Awe we mukulu nkani pakasi pa bamwene bosi, po u Chala uwakumwanya akupiye ubumwene, na maka nu bulaghili, sona nu buchindamu.

Daniyeli 2:43

Ukuyana namumo ukachenezya ichela chicho chikonganiziwa ni tope, po bope abantu bakwiza pakonganiziwa pakusendana, sona batakwiza pakwivwanagha, ngati mumo ichela ni tope vitangonganiziwa.

Daniyeli 4:3

Mwee, naloli ivimanyilo vyache vikulu nkani, sona iviswigho vyache vyamaka nkani! Ubumwene bwache bwa bwila na bwila, bope ubulaghili bwache bukubangako inkulilo ni nkulilo.

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Daniyeli 8:25

Pachifukwa icha buzimbuli bwache akwiza pakupota. Akwiza pakwituvya nukubanangannya abantu abinji nkani, sona akwiza pakumusambukila u mwene uwa bamwene. Pope bulo akwiza pakunanganika loli te namaka agha bantu.

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Hagayi 2:22

Nkwiza pakubawisya abamwene aba inko izinji na maka agha bumwene bwabo. Nkwiza pakuzing'anamulannya ingolo zyabo poka nabakwendezya babo, ni falasi sona naba kukwelapo babo nukughamala amaka agha inko injeni. Ifalasi zikwiza pakufwa, sona bope abakukwelapo bakwiza pakughoghana, umuntu wesi nupanga uwa mukamu wache.’

Hagayi 2:7

Nkwiza pakuziyingannya inko zyosi, umwakuti ubukabi ubwa inko bwizulaye mu Nyumba iya Chala, sona nkwiza pakuyizuzya Inyumba iyi nu buchindamu.’ U Mwene Uwamaka Ghosi anena.

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Yohani 12:34

Ichilundilo icha bantu chikamwamula chikati, “Indaghilo zyitu zikutubuzya ukuti u Kilisitu akwiza pakubangako bwila na bwila. Po, nkimba ukunena bulibuli ukuti u Mwana uwa Muntu abaghiye pakupayikiwa? U Mwana uwa Muntu yunuyu wewenu?”

Aba Hebeli 12:28

Pakuti twapokela ubumwene bubo butanganeng'ena, po zagha tumupalizye u Chala nukumwiputa pakulanjizya umuchizi nubogha.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 2:27

Akwiza pakubalaghila ni ndisa iya chela, nukubafwantannya ngati yo sonta.