Daniyeli 2:4 - IBAYIBOLO 2024

⁴ Abasanuzyi aba vilota bala bakamwamula u mwene bakati, “Wee mwene, tukukulondela ubumi ubutali! Tubuzye twe babombi bako ichilota chako, po tukwiza pakukubuzya ukuti chikusanusya ichoni.”

Daniyeli 2:4 Iomraidhean Croise

Ubwandilo 31:47

U Labani akachita ichibunga icha mabwe chila ukuti Yegala Sahaduta, loli u Yakobo akachita ukuti Galedi.

Ubwandilo 41:8

Bo kwacha pandabindabi akayimba nkani mumoyo wache umwakuti akabitizya abantu abamayele bosi, sona na bantu abamahala aba mu Ijiputi. Bo bosi biza, u Falabo akababuzya nizya vilota vyache, loli atakabapo nayumoyumo yuyo akaving'anamula ivilota vyache.

1 Abamwene 1:25

Umusanya ughu abika ivyakwiyipa ivya ng'ombe ni ngwata inyine sona ni ng'ozi inyinji nkani. Abitizya abana bako bosi poka nu Yowabu usongo uwa basilikali sona nu muputi u Abiyatala. Losi ulu bali pakulya nukung'wela poka nawe sona bakuti, ‘Tukukulondela ubumi ubutali, wee mwene Adoniya!’

1 Abamwene 1:31

Po u Batisheba akafughama pamaso pa mwene, bo icheni chache chikotamiye pasi nukuti, “Wee mwene wane nkukulondela ubumi ubutali!”

2 Abamwene 18:26

Po u Eliyakimu umwana uwa Hilikiya nu Shebina, sona nu Yowa bakamubuzya usongo uwa basilikali yula bakati, “Twalamba nena nababombi bako mu Chialamu, pakuti cho chicho tukuchivwa. Utakanenaye naswe mu Chihebeli, pachifukwa ichakuti abantu bosi babo bali pilinga bakwivwa.”

Ezila 4:7

Umwakuyana bulo, bo u mwene u Alitakiselesesi uwamu Peleziya akulaghila, u Bishilamu nu Mitiledati nu Tabeli na bamwabo abanji bosi bakamusimbila ukalata u mwene u Alitakiselesesi uwamu Peleziya. Ukalata yulayula akasimbiwa mu Chialamu sona bakamusanusyanga bo bakumubelengela u mwene.

Nehemiya 2:3

Loli nkamwamula u mwene nkati, “Wee mwene, nkukulondela ubumi ubutali. Nkimba choni chicho ntangasulumannya, bo akaya akakulu nkani mumo muli amapumpa agha banyenya bane kaba chisami sona imilyango yache yochiwe?”

Yesaya 36:11

Po u Eliyakimu nu Shebina sona nu Yowa bakamubuzya usongo uwa basilikali yula bakati, “Twalamba nena nababombi bako mu Chialamu, pakuti cho chicho tukuchivwa. Utakanenaye naswe mu Chihebeli pachifukwa ichakuti abantu bosi babo bali pilinga bakwivwa.”

Yesaya 44:25

nene nkavivulungannya ivimanyilo, ivya balaghuzi abamyasi, nukubapela bapunganu babo bakunena ivya muntazi, akubamala amaka abamahala, nukubapela pakuba bapunganu,

Daniyeli 1:4

Banaba bakaba balumendo babo batakaba ni chilema nachimochimo, bakaba bakuboneka akiza na bamahala na bakumanyila lubilolubilo na bankalo inyiza, sona babo bangabomba imbombo munyumba iya mwene. U Ashipenazi akamanyisya pakubelenga na pakusimba ineno iya muchisu icha Babiloni.

Daniyeli 2:7

Bakamula sona bakati, “Wee mwene, tubuzye twe bambombo bako ichilota chako, po tukwiza pakukubuzya ukuti chikusanusya ichoni.”

Daniyeli 3:9

Bakamubuzya u mwene u Nebukadineza bakati, “Wee mwene tukukulondela ubumi ubutali!

Daniyeli 4:19

U Daniyeli yuyo akitiziwanga ukuti Belitishazala akaswigha nkani ukwa kabalilo, umwakuti ubogha bukamulema. Po u mwene akati, “Wee Belitishazala ichilota ichi pamo ubusanuzyi bwache vitakakoghofyanje.” U Belitishazala akamula akati, “Wee mwene wane! Nalondagha ngali ichilota ichi sona nu busanuzyi bwache bubawile abalwani bako, loli vitakakuwile!

Daniyeli 4:7

Bo abamayele na balaghuzi na bakunena ni mizimu na basanuzyi aba vilota, biza pamaso papane nkababuzya ichilota chane chila, loli bakapotwa pakunsanuzizya.

Daniyeli 4:9

Nkamubuzya nkati, Wee Belitishazala, we songo uwa bamayele, inzimenye ukuti umuzimu uwa bachala abazelu ghuli mumwako, sona nukuti chitalipo nachimochimo ichakubusyefu chicho chipalapala kukwako. Ichi cho chilota chicho indotite, po losi ulu unsanusizyanje.

Daniyeli 5:10

Bo unyina uwa mwene ivwa izyu ilya mwene, sona nilya makambala ghala, akinjila munyumba iya lusekelo mula nukuti, “Wee mwene nkukulondela ubumi ubutali! Utakanyilaye, sona chope icheni chako chitakasulumannyanje.

Daniyeli 5:8

Abantu bosi abamahala bala bakinjila, loli bakapotwa pakughabelenga amasimbo ghala pamo ukumubuzya chicho ghakasanusyanga.

Daniyeli 6:21

U Daniyeli akamula akati, “Wee mwene, nkukulondela ubumi ubutali!

Daniyeli 6:6

Po amakambala na balongozi bala bakabuka ngati kabukatila pakukomana nu mwene, po bakati, “Wee mwene Daliyasi, tukukulondela ubumi ubutali!

Daniyeli 6:7

Aswe twebosi poka twe balongozi na balaghili na makambala sona na balaghili twivwana ukuti ubike ululaghilo ulwakuti nanti umuntu yumo aghiwa akubiputa abachala abanji, pamo umuntu uyunji mumasiku 30 ghagho ghakwiza, ukwefyako awe wemwene asumbiwanje muchiliba icha nkalamu.

Matayi 21:9

Abantu abinji babo bakaba kuntazi na kwisinda ukwa Yesu bakanda pakukolomoka ukuti, “Apaliwanje u Mwana uwa Devedi! U Chala amusaye yuyo akwiza mwitabwa ilya Mwene! U Chala apaliwanje!”

1 Samuweli 10:24

U Samuweli akababuzya abantu bala akati, “Nkimba mukumwennya umuntu yuyo u Mwene amusalite? Atalipo nayumo umuntu pakasi pabantu bosi yuyo ayanite nawe.” Po abantu bosi bakakolomoka bakati, “Tukukulondela ubumi ubutali!”