Daniyeli 2:28 - IBAYIBOLO 2024

²⁸ Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Daniyeli 2:28 Iomraidhean Croise

Ubwandilo 40:8

Bakamwamula bakati, “Twebosi tulotite ivilota, loli atalipo nayumo yuyo angaving'anamula ivilota vila.” Po u Yosefu akababuzya akati, “We Chala mwene yuyo angaving'anamula ivilota.”

Ubwandilo 41:16

U Yosefu akamwamula akati, “Awe te nene, loli u Chala weyuyo angamupa u Falabo ilyamulo lilyo akulilonda.”

Ubwandilo 41:25

Po u Yosefu akamubuzya u Falabo akati, “Ivilota vibili ivya Falabo vikung'anamula ichintu choka; u Chala amuvumbulila u Falabo zizyo akwiza pakubomba.

Ubwandilo 49:1

Bo u Yakobo amusaya u Efulayimu nu Manase, akabitizya abana bache nukuti, “Mubungane poka mwebosi, umwakuti imbabuzye zizyo zikwiza pakubabonekela muntazi.

Masalimo 115:3

U Chala witu ali kumwanya, sona akubomba zyosi zizyo zikumuhobosya.

Yesaya 2:2

Mumasiku aghabumalilo, ighamba ilya Nyumba iya Mwene, likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zyosi zikwiza pakuchimbilila kulakula.

Yelemiya 10:7

Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Yelemiya 30:24

Ubukali ubwa Mwene butakwiza pakutozokapo, mupaka amalizye zyosi zizyo akwinong'ona. Mukwiza pakuchivwisya ichi mumasiku agha muntazi.

Yelemiya 48:47

“Loli pope bulo nkwiza pakubanyosezya aba Mowabu ulusako lwabo. Ane ne Mwene nanena.” Panapa po pabumalilo ubwa budumuzi ubwa nongwa iya ba Mowabu.

Ezekiyeli 28:3

Nkimba uli na mahala ukumuchila u Daniyeli? Nkimba katalipo nakamokamo kako kakubusyefu kukwako?

Ezekiyeli 38:16

Po mukwiza pakulwa ubwite na bantu bane aba Izilayeli mukwiza pakuba ngati libingu lilyo lyavwinka ichisu. Wee Gogi, mumasiku agha kuntazi ukwiza pakulwa ubwite ni chisu chane, umwakuti inko zimanye ane, bo nkwilanjizya ubuzelu bwane ukwendela mumwako pamaso papabo.

Ezekiyeli 38:8

Bo pachilapo amasiku aminji mukwiza pakwitiziwa ukuti mubungane poka. Mumaka agha kuntazi mukwiza pakulwa ni chisu chicho chikapona kubwite, chicho abantu bache bakabungana ukufuma mu inko inyinji mumaghamba agha Izilayeli, ghagho kale ghakaba visami. Abantu bache bakiza ukufuma mu inko, po bosi bakwikala umwakufwasa.

Daniyeli 1:20

Akabalilo kosi kako u mwene akalalusyanga nizya vintu vivyo vikalondagha amahala pamo akivwisizye, abalumendo banaba bakaba na mahala aka teni ukubachila abamayele na balaghuzi aba mubumwene bwache bosi.

Daniyeli 10:14

Ilelo niza pakukulingannya zizyo zikwiza pakubawila aba inko yako muntazi muno, pakuti ichisetuka chinichi chikunena nizya muntazi.”

Daniyeli 2:18

Akababuzya ukuti biputaye kwa Chala uwakumwanya pakubapelela ichisa ukuti abavumbulilaye izyakubusyefu zinizi, umwakuti yuyo na bamanyani bache batakaghoghiwanje poka na bantu abamahala aba mu Babiloni.

Daniyeli 2:22

Akuvivumbula ivintu ivyakubusyefu ivyibizu, azimenye zyosi zizyo zikubombiwa muchisi, sona wemwenecho uwa lukozyo.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 2:45

Ubu bo busanuzyi ubwa chisetuka icha libwe lilyo likadumuliwa kwighamba, te muntu akalibunguluzya awe, kokuti ibwe lilyo likatizannya ichifwani icha chela nicha mukuba nicha litope nicha siliva sona nicha golide. “U Chala umukulu nkani akulanjizya zizyo zikwiza pakuboneka muntazi. Ichilota chinichi chanaloli, sona nakubuzya ubwanaloli bosi.”

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Daniyeli 4:5

Bo ingonite pachitala chane pabusiku, nkanyila nkani pachifukwa ichakuti ichisetuka, chicho nkachennya chikaba chakoghofya.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Amosi 4:13

Yuyo akupela amaghamba akupela impepo, nukubavumbulila abantu inyinong'ono zyache, yuyo akughupela umusanya pakuba chisi, akwenda pamwanya pachisu ichapasi: Itabwa lyache we Mwene u Chala Uwamaka Ghosi.

Ukubelengiwa 24:14

U Balamu akati, “Losi ulu nkubwela, loli bo ntabukite, leka nkusoke zizyo aba Izilayeli bakwiza pakubabombela abantu bako muntazi muno.”

Matayi 6:9

Bo mukwiputa mutinji, ‘Tata witu uwakumwanya; itabwa lyako lichindikiwanje.

Ukukumbusya Amalamulo 31:19

“Losi ulu simba ulwimbo ulu. Ubamanyisye aba Izilayeli ukuti lubanje we kaboni wane uwakubasusya.

Ukukumbusya Amalamulo 4:30

Nanti mwakomana nintamyo, sona nanti ivintu vyosi vinivi vikababonekela, pisinda pache mukwiza pakunyokela kwa Mwene u Chala winyu nukumwivwila.

2 Timoti 3:1

Kumbuka ukuti mumasiku aghabumalilo kukwiza pakuba utubalilo utupalapala nkani.

Aba Hebeli 1:1

Kale u Chala akanena na banyenya bitu ukwendela mu balaghuzi mutubalilo utwinji, sona na muzila izyakulekanalekana.

2 Pitala 3:3

Ichakwanda pavyosi, mubaghiye pakwivwisya ukuti mumasiku aghabumalilo abantu abalobezyo bakwiza pakuboneka babo bakukonka ivinyonywa vyabo ivibibi.

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.