Daniyeli 2:26 - IBAYIBOLO 2024

²⁶ U mwene akamulalusya u Daniyeli yuyo bakatinji we Belitishazala akati, “Nkimba ungambuzya vivyo nkavyennya muchilota nukunsanuzizya?”

Daniyeli 2:26 Iomraidhean Croise

Ubwandilo 41:15

U Falabo akamubuzya u Yosefu akati, “Nalotite chilota, loli atalipo nayumo umuntu yuyo angang'anamulila. Loli nivuye ukuti awe nanti wivwa ichilota ungang'anamulila.”

Daniyeli 1:7

Usongo uwa makambala yula akabita abalumendo bala amatabwa aghanji. Amatabwa ghabo ghakaba gho agha: U Daniyeli akaba we Belitishazala, u Hananiya akaba we Shadilaki, u Mishayeli akaba we Meshaki, sona u Azaliya akaba we Abedinego.

Daniyeli 4:8

Pabumalilo u Daniyeli, yuyo akwitiziwanga ukuti Belitishazala, lilyo litabwa ilya chala wane, sona yuyo umuzimu uwa bachala abazelu ghuli mumwache akiza pamaso papane, po nkamubuzya ichilota chane chila.

Daniyeli 5:12

U Daniyeli yunuyu, yuyo u mwene u Nebukadineza akamusapila itabwa ilya kuti we Belitishazala akaghiwa ukuti ali na mahala, nakivwisizye, sona nu bumanyi ubwa kusanuzizya ivilota, pakulingannya ivyili sona nukumazya intamyo impalapala nkani. Mwitizye u Daniyeli, po akwiza pakubabuzya ubusanuzyi ubwa masimbo ghanagha.”

Daniyeli 5:16

Polelo nivwa ukuti ungambuzya ubusanuzyi bwache, sona nukumazya intamyo inkafu. Nanti ungaghabelenga amasimbo ghanagha nukumubuzya ghakusanusya ichoni, ukwiza pakuvwikiwa inkazo inchesamile iya bumwene nu bunyololo ubwa golide musingo, sona ukwiza pakuba we songo uwabutatu mubumwene bwane.”

Daniyeli 7:1

Mumwaka uwakwanda bo u mwene u Belishazala akulaghila mu Babiloni, u Daniyeli akalota ichilota, sona akennya ivisetuka bo alambalaye pachitala chache pabusiku. Po akachisimba ichilota chache chila umwabupimpa bulo ngati ulu:

1 Samuweli 17:33

U Sabuli akamwamula akati, “Awe utangalwa nawe umu Filisiti uyu, pakuti uchili we mwana munandi, sona izubiye pakulwa ubwite ukwandila ko kubwana bwache.”