Daniyeli 2:25 - IBAYIBOLO 2024

²⁵ Lubilolubilo u Aliyoki akamusindikila u Daniyeli pamaso pa mwene, po akati, “Wee mwene, namwagha umukayidi yumo pakasi paba Yuda, yuyo angakusanuzizya ichilota chako.”

Daniyeli 2:25 Iomraidhean Croise

Ubwandilo 41:14

U Falabo akatuma ukuti bamwitizizye u Yosefu, po bakamufumya lubilolubilo mujele mula. Bo amwa akiza isisi nukuvwala amenda amiza, akiza pamaso pa mwene.

Nehemiya 7:6

Aba bo bantu aba muchigaba, babo bakanyokako kubuzya, babo u mwene u Nebukadineza uwamu Babiloni akabalema pakuba bazya. Bosi bakanyokela ku Yelusalemu na kuchisu icha Yuda sona umuntu wesi akabwela kukaya kache akakulu,

Ivyili 24:11

Ubapokaye babo bakubuka nabo pakughoghiwa, utakabennyanje bulo ukuti baghoghiwanje.

Umulumbilili 9:10

Chosi chicho winong'ona pakuchibomba wiyulaye nkani pakuchibomba, pakuti nanti wasyiliwa mwipumpa kutaliko ukubomba imbombo pamo ukubatika, pamo ubumanyi pamo amahala.

Daniyeli 1:6

Bamo aba balumendo bala bo aba: U Daniyeli nu Hananiya nu Mishayeli nu Azaliya, sona bosi bakaba ba muchisu icha Yuda.

Daniyeli 5:13

Bakiza nu Daniyeli pamaso pa mwene, po u mwene akamulalusya akati, “Nkimba awe we Daniyeli weka uwa bazya, yuyo utata u mwene akabasenda muchisu icha Yuda?

Daniyeli 6:13

Po bakamubuzya u mwene yula bakati, “Wee mwene, u Daniyeli weka uwa bantu babo bakafuma ku Yuda bala atakukwivwila, pamo ukulukonka ululaghilo lulo ukalusimikizya pakusimba. Achili akwiputa katatu pisiku.”