Daniyeli 2:23 - IBAYIBOLO 2024

²³ Wee Chala uwa banyenya bane, nkukupalizya, sona nkukukwezya. Wampa amahala na maka, wanvumbulila zizyo tukakulaba, sona watuvumbulila ichilota icha mwene.”

Daniyeli 2:23 Iomraidhean Croise

Ubwandilo 18:17

U Mwene akati, “Intangamuvinda u Abulahamu chicho nkulonda pakubomba.

Ubwandilo 31:42

Nanti u Chala uwa batata bane, u Chala uwa Abulahamu, nuwa Yisaki atakanyimilagha, ilelo ngali wambwezya nyobe zyene. Loli u Chala akennya intamyo zyane, sona ni mbombo izya nyobe zyane. Ichi cho chifukwa akakuchemela ubusiku bubo bwamalagha.”

1 Abamwene 18:36

Pakabalilo akakubikila ichakwiyipa umulaghuzi u Eliya akiza pantazi nukwiputa ukuti, “Wee Mwene u Chala uwa Abulahamu nuwa Yisaki nuwa Yakobo, ilelo chimanyikwe ukuti awe we Chala uwa ba Izilayeli sona nukuti ane ne mubombi wako. Ane nabomba zyosi zinizi pachifukwa ichakuti ukandamula.

1 Abamwene 8:57

U Mwene u Chala witu abe naswe ukuyana namumo akabela na banyenya bitu. Atakatuleke pamo ukutukana nalumolumo.

1 Imbili 29:10

U Devedi akamupalizya u Mwene pantazi pa chilundilo chosi akati, “Wee Mwene u Chala witu uwa Izilayeli, upaliwanje bwila na bwila.

1 Imbili 29:13

Wee Chala witu, tukukupalizya, tukulichindika itabwa lyako ichindamu.

2 Imbili 20:6

nukuti, “Wee Mwene u Chala uwa banyenya bitu, nkimba awe te we Chala yuyo akwikala kumwanya? Awe wewe ukulaghila inko zyosi izya muchisu ichapasi. Amaka nu bulaghili vili munyobe zyako sona atalipo nayumoyumo yuyo angalwana nawe.

Masalimo 21:2

Wamupa vivyo umoyo wache ghukuvinyonywanga, sona utakamwimagha zizyo akulaba nu mulomo wache.

Masalimo 21:4

Bo akukulaba ubumi, ukamupa, sona ukumupa ubumi ubutali ubwa bwila na bwila.

Masalimo 25:14

U Mwene akuba mumanyani uwa bantu babo bakumwivwila, po akubavumbulila ulufingo lwache.

Masalimo 50:14

Bikagha ivyakwiyipa ivyakupalizikizya kwa Chala, sona kwanilisya ichilapo chinyu ku Wakumwanya Nkani.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Ivyili 21:22

Umuntu uwamahala angakapota akaya akakulu nkani aka bantu abamaka, nukulimongolannya ilinga lilyo bakulisubila.

Ivyili 24:5

Umuntu uwamahala akuba na maka nkani, sona umuntu uwakwivwisya ivintu, amaka ghache ghakonjelelakonjelela.

Ivyili 8:14

Indi nu bulongozi ubwiza na mahala aghakwivwika, sona ukwivwisya ivintu na maka, vyane.

Umulumbilili 7:19

Amahala ghakumupela umuntu pakuba na maka nkani ukuchila abamwene 10 aba mukaya akakulu nkani.

Umulumbilili 9:16

Po nkati, “Amahala mizapo ukuchila amaka.” Loli abantu bakughasulannya amahala na mazyu agha mupina.

Umulumbilili 9:18

Amahala mizapo ukuchila ivilwilo ivya bwite, loli umuntu umubibi weka angavinangannya ivyiza ivyinji.

Yesaya 12:1

Pisiku lilalila mukwiza pakwimba ukuti, “We Mwene! Nkukupalizya pakuti ukankalalila, ilelo ubukali bwako bwatozoka sona wansangalusya.

Yelemiya 33:3

‘Laba kukwane po Ane nkwiza pakukwamula nukukubuzya ivintu vivyo vyibizu nkani sona utavimenyemo.’

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 2:18

Akababuzya ukuti biputaye kwa Chala uwakumwanya pakubapelela ichisa ukuti abavumbulilaye izyakubusyefu zinizi, umwakuti yuyo na bamanyani bache batakaghoghiwanje poka na bantu abamahala aba mu Babiloni.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Matayi 11:25

Pakabalilo kalakala u Yesu akati, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi.

Luka 10:21

Pakabalilo kalakala u Yesu akizula nu buhobosu nu Muzimu Umuzelu nukuti, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi. Eee, Tata, umu momumo ukalondela ukuti chibombiwanje.

Yohani 11:41

Bakefyapo ibwe lila. Po u Yesu akennya kumwanya nukuti, “Tata, nkukupalizya pakuti wivwa inyiputo zyane.

Yohani 15:15

Intakubanena sona ukuti mwe bambombo pakuti uwambombo atakumanya zizyo u mwene wache akubomba. Loli nkubanena amwe bamanyani bane pakuti nababuzizye zyosi zizyo nivuye kwa Tata wane.

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.

Ubuvumbuli 5:5

Po weka uwa basongo bala akambuzya akati, “Utakalilaye, pakuti Inkalamu iya luko ulwa Yuda, uwaluko uwamaka uwa Devedi apota, sona weyuyo angighula ibuku lila nukumamatula ivimatilo seveni vila.”