Daniyeli 2:21 - IBAYIBOLO 2024

²¹ Wee yuyo akwandula amasiku nu tubalilo, sona weyuyo akubakwezya abamwene nukubisya. Akubapa amahala abantu abamahala, sona nu bumanyi ku bantu abakwivwisya ivintu.

Daniyeli 2:21 Iomraidhean Croise

1 Abamwene 10:24

Abantu bosi aba muchisu ichapasi bakalondagha nkani ukuti bamwennye u Solomoni nukuteghelezya amahala ghache ghagho u Chala akamupa.

1 Abamwene 3:28

Bo aba Izilayeli bosi bivwa namumo u Solomoni akadumulila inongwa yila, bakamuchindika nkani, pakuti bakazyaghannya ukuti u Chala akamupa amahala aghakulongela inongwa mubwanaloli.

1 Abamwene 4:29

U Chala akamupa u Solomoni amahala nu bumanyi ubwapamwanya nkani, sona na kivwisizye aka vintu.

1 Imbili 22:12

U Mwene akupanje amahala na kivwisizye, bo waba we mulaghili uwa aba Izilayeli, umwakuti uzikonkaye indaghilo izya Mwene u Chala wako.

1 Imbili 29:30

Bakasimbamo nizya bulaghili bwache, sona ni vintu vivyo vikababonekelagha aba Izilayeli sona ni inko izinji.

Esitele 1:13

Po u mwene akababuzikizya abantu abamahala, babo bakamanya namumo ivintu vikwendela ukuyana ni nyiho, pakuti lukaba lwiho ulwakuti u mwene anenezannyanje na bantu bosi, babo bakamanya nkani indaghilo ni nyiho,

Yobu 12:18

Akubasatula iminyololo babo bakapinyiwa na bamwene nukubapinya abamwene balabala.

Ukufuma 31:3

Namwizuzya nu muzimu wane, sona namupa ubumanyi na mahala nu bwafundi ubwa mbombo izya nyobe

Ukufuma 31:6

Namusala sona u Oholiyabu umwana uwa Ahisamaki uwaluko ulwa Dani, ukuti abombaye poka nawe. Nabapa sona amahala abafundi abanji bosi aghapangila ivintu vyosi ukuyana namumo nakubuzizya.

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 10:1

Mumwaka uwabutatu, bo u mwene u Sayilasi akulaghila ichisu icha Peleziya, ubuvumbuli bukapeghiwa kwa Daniyeli, yuyo akaba we Belitishazala. Amazyu ghache ghakaba ghanaloli, sona ghakanenagha nizya bwite ubukulu. U Daniyeli akivwisya nkani amazyu ghala, bo achennya ichisetuka.

Daniyeli 11:6

Bo ghachilapo amaka, abamwene babili banaba bakwiza pakuba pabumanyani. Umwana umulindu uwa mwene uwa Kuntende akwiza pakubuka kwa mwene uwa Kumitu nukupanga ubumanyani, loli atakwiza pakubusenda ubumwene bwache bula, po butakwiza pakwendelela sona nu mwana yula poka na bambombo, babo bakabuka poka nu mukolo yula, bakwiza pakughoghiwa.

Daniyeli 2:20

akati, “Itabwa ilya Chala lichindikiwanje bwila na bwila, yuyo mwenecho uwa mahala na maka.

Daniyeli 2:23

Wee Chala uwa banyenya bane, nkukupalizya, sona nkukukwezya. Wampa amahala na maka, wanvumbulila zizyo tukakulaba, sona watuvumbulila ichilota icha mwene.”

Daniyeli 2:9

Nanti mutakumbuzya ichilota chicho indotite, pali ichintu choka bulo chicho nkwiza pakubabombela. Amwe mwivwana ukuti mumbuzye ubumyasi nukunzimbula, pakuti mwinong'onagha ukuti nkwiza pakwandula inyinong'ono. Mbuzya ichilota chicho indotite, po nkwiza pakuzimanya ukuti namwe mukwiza pakumbuzya iching'anamulo chache.”

Daniyeli 4:14

Akakolomoka akati, dumula ikwi nukuzipalanta isamba zyache. Ughapalante amani ghache, sona ivikomwa vyache uvinyampannye. Vileke ivinyamana vichimbilayemo mukazundila kache, sona vyope iviyuni vichimbilayemo musamba zyache.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:22

Wee mwene, ikwi lila wewe. Awe waba we mukulu sona wamaka nkani, ubukulu bwako bwafika mupaka kumwanya, sona ubulaghili bwako bwasata pachisu chosi ichapasi.

Daniyeli 4:32

Ukwiza pakuchimbiziwapo pakasi pabantu sona ukwiza pakwikalagha poka ni vinyamana ivya muzi. Ukwiza pakulyanga isote ngati ng'ombe, pakwiza pakuchilapo amaka seveni mupaka umanye ukuti Uwakumwanya Nkani akulaghila ubumwene bosi ubwa bantu, sona akumupa umuntu wesi yuyo akulonda pakumupa.”

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Aba Loma 13:1

Umuntu wesi abivwilaye abalaghili aba muchisu pakuti umuntu atangaba mulaghili nanti u Chala atamwimikite. Abalaghili bosi babo baliko bakimikiwa nu Chala.

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”