Daniyeli 2:19 - IBAYIBOLO 2024

¹⁹ Pabusiku izyakubusyefu zila zikavumbuliwa muvisetuka kwa Daniyeli. Po u Daniyeli akamupala u Chala uwakumwanya

Daniyeli 2:19 Iomraidhean Croise

Yobu 4:13

Pabusiku ichilota chikantamya nkani, bo abantu bali mutulo utwa kufwa nato.

Masalimo 25:14

U Mwene akuba mumanyani uwa bantu babo bakumwivwila, po akubavumbulila ulufingo lwache.

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 2:22

Akuvivumbula ivintu ivyakubusyefu ivyibizu, azimenye zyosi zizyo zikubombiwa muchisi, sona wemwenecho uwa lukozyo.

Daniyeli 4:26

Ululaghilo ulwakuchileka ichisinko poka na magululuzi ghache, lukusanusya ukuti ubumwene bwako bukwiza pakunyokela sona kukwako, nanti wamanya ukuti u Chala weyuyo akulaghila pachisu chosi ichapasi.

Daniyeli 4:9

Nkamubuzya nkati, Wee Belitishazala, we songo uwa bamayele, inzimenye ukuti umuzimu uwa bachala abazelu ghuli mumwako, sona nukuti chitalipo nachimochimo ichakubusyefu chicho chipalapala kukwako. Ichi cho chilota chicho indotite, po losi ulu unsanusizyanje.

Daniyeli 7:2

“Ane ne Daniyeli, pabusiku nkachennya ichisetuka icha mpepo yikuputa iyakufuma kunkuto zyosi folo, nukuyivundula inyanja inkulu nkani.

Daniyeli 7:7

“Po nkachennya ichinyamana ichafolo, chicho chikabonekagha chakoghofya sona ni chamaka. Chikaba na mino amakulu nkani agha chela. Chikalyanga nukukavulannya, sona nukukanyankila vyosi vivyo vikasyala. Ichinyamana chinichi chikaba chakulekana nkani ni vinyamana ivyakwanda vila, sona chikaba ni mpembe teni.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Yoshwa 22:33

Bakahoboka nkani pakwivwa namumo bakendela, po bakamupala u Chala. Loli batakanena sona nizya kubuka pakulwa nabo ubwite, umwakuti bachinangannye ichisu chicho aba Lubeni sona naba Gadi bakikalaghamo.