Daniyeli 2:12 - IBAYIBOLO 2024

¹² Bo u mwene ivwa zinizi, akakalala nkani umwakuti akalamula ukuti abantu bosi abamahala aba muchisu icha Babiloni baghoghiwanje.

Daniyeli 2:12 Iomraidhean Croise

Yobu 5:2

Ubukali bukumughogha umuntu umupunganu, sona akabini kakumunangannya umuntu umusita amahala.

Masalimo 76:10

Naloli ubukali bwako pabantu bukukupanga amapalo, po abantu babo bapona ku bukali bwako bakwiza pakukuchindika.

Ivyili 16:14

Ubukali ubwa mwene yo ntumi iya bufwe, loli umuntu uwamahala weyuyo akubwisya ubukali bulabula.

Ivyili 19:12

Ubukali ubwa mwene buli ngati ko kubuluma ukwa nkalamu, loli ichisa chache chili ngati yo nganda pisote.

Ivyili 20:2

Ubukali ubwa mwene buli ngati kubuluma ukwa nkalamu, umuntu yuyo akumukalizya akubika ubumi bwache pachulu.

Ivyili 29:22

Umuntu umukali akupela bulo ivyongo, sona umuntu yuyo akukalala mwalwemwalwe akunanga akinjikinji bulo.

Daniyeli 2:24

Po u Daniyeli akamubuzya u Aliyoki, yuyo u mwene akamusala ukuti abaghoghe abantu abamahala aba mu Babiloni akati, “Utakabaghoghaye abantu abamahala aba mu Babiloni. Twende unsindikile pamaso pa mwene, po nkwiza pakumusanuzizya.”

Daniyeli 2:5

U mwene akabamula akati, “Nadumula ukuti nanti mutakumbuzya ichilota chicho indotite, sona nukuti chikusanusya ichoni, po nkwiza pakubadumulannya mutuvigaba, sona zyope inyumba zyinyu zikwiza pakuba visami.

Daniyeli 3:13

U mwene yula akakalala nkani umwakuti akamwitizya u Shadilaki nu Meshaki, sona nu Abedinego, po bakiza pamaso pa mwene.

Daniyeli 3:19

U mwene yula akamukalalila nkani u Shadiliki nu Meshaki nu Abedinego, sona akakalala nkani ukuchila pakwanda pala. Po akalamula ukuti bapembe umoto uwa muvuno akaseveni ukuchilapo,

Daniyeli 5:19

Akaba mukulu nkani umwakuti, naba inko zyosi, nuluko losi sona na baneno zyosi bakamunyilagha nkani nukutetema pamaso papache. Nanti akalondagha pakumughogha umuntu yumo, naloli akamughogha. Nanti akalondagha pakumuleka mumi umuntu yumo, naloli akamulekagha mumi. Nanti akalondagha pakumukwezya umuntu yumo, naloli akamukwezyanga. Nanti akalondagha pakumukozya isoni umuntu yumo, naloli akamukozyanga isoni.

Matayi 2:16

Bo u Helodi azyaghannya ukuti abayeni abakubufumilo bwizuba bala bamuzimbula, akakalala nkani. Akalamula ukuti utwana tosi utulumendo mu Betelehemu na mutwaya utupalamani tosi, tuto tukaba na maka mabili nukwika pasi tughoghiwe. U Helodi akabomba zinizi ukuyana namumo akamanyilila ku bayeni abakubufumilo bwizuba nizya kabalilo kako ulutondwa lula lukaboneka.

Matayi 5:22

Loli ilelo nkubabuzya ukuti umuntu wesi yuyo amukalaliye umukamu wache akwiza pakulongiwa. Sona umuntu wesi yuyo akumunena umukamu wache ukuti, ‘Ute ni mbombo,’ akwiza pakulongiwa na balongi. Sona umuntu wesi yuyo akumunena umukamu wache ukuti, ‘Wee mupunganu,’ wepe bulo akwiza pakusumbiwa pamoto uwamu Gehena.