Daniyeli 2:1 - IBAYIBOLO 2024

¹ Mumwaka uwabubili bo u mwene u Nebukadineza akulaghila, akalota ichilota. Po akayimba nkani mumoyo wache umwakuti atakaghonagha nukughona.

Daniyeli 2:1 Iomraidhean Croise

Esitele 6:1

Ubusiku bulabula, u mwene atakaghona utulo, umwakuti akalamula ukuti bize ni buku ilya mbili mumo mukasimbiwamo imbili iya bulaghili bwache. Po bakiza nalyo nukulibelenga pamaso pa mwene.

Yelemiya 25:1

U Mwene akamubuzya u Yelemiya ukuyana nizya ba Yuda bosi mumwaka uwafolo bo u Yehoyakimu umwana uwa Yosiya, u mwene uwa ba Yuda, ghugho ghukaba mwaka uwakwanda uwa Nebukadineza u mwene uwa Babiloni.

Daniyeli 2:3

akababuzya akati, “Indotite ichilota chimo chicho chikunjivya nkani, po nkulonda imanye ukuti chikusanusya ichoni.”

Daniyeli 4:2

Nahoboka nkani pakubabuzya nizya vimanyilo ni viswigho vivyo u Chala uwakumwanya nkani ambombeye.

Daniyeli 4:5

Bo ingonite pachitala chane pabusiku, nkanyila nkani pachifukwa ichakuti ichisetuka, chicho nkachennya chikaba chakoghofya.

Daniyeli 5:9

Po u mwene u Belishazala akayimba nkani mumoyo wache sona chope icheni chikasulumannya. Amakambala ghache ghatakaba ni chakunena.

Daniyeli 6:18

U mwene akanyokela kunyumba yache, po ubusiku bulabula atakalyapo nachimochimo ichintu, pamo pakuba nacho chimo ichakumusekelezya, sona atakaghona utulo.

Daniyeli 7:1

Mumwaka uwakwanda bo u mwene u Belishazala akulaghila mu Babiloni, u Daniyeli akalota ichilota, sona akennya ivisetuka bo alambalaye pachitala chache pabusiku. Po akachisimba ichilota chache chila umwabupimpa bulo ngati ulu:

Daniyeli 7:15

“Ane ne Daniyeli, nkatamiwa nkani mumoyo, sona nkaba nubogha nkani pachifukwa icha zizyo nkazyennya muvisetuka vyane, po zikanvulungannya nkani.