Daniyeli 12:8 - IBAYIBOLO 2024

⁸ Nkivwa loli intakivwisya. Po nkalalusya nkati, “Wee mwene wane, nkimba ivintu vinivi vikwiza pakumala bulibuli?”

Daniyeli 12:8 Iomraidhean Croise

Daniyeli 10:14

Ilelo niza pakukulingannya zizyo zikwiza pakubawila aba inko yako muntazi muno, pakuti ichisetuka chinichi chikunena nizya muntazi.”

Daniyeli 12:6

Weka uwa babo akamulalusya umuntu yula yuyo akavwala amenda amatonte yuyo akimilila palusoko, akati, “Nkimba ivintu ivyakuswighisya vinivi vikwiza pakumala liyi?”

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 12:9

Akamula akati, “Daniyeli, bukagha pakuti amazyu ghanagha ghakubusyefu sona ghamatiwe mupaka pakabalilo akabumalilo.

Daniyeli 8:13

Po nkivwa uwantumi akumulalusya uwantumi uyunji akuti, “Nkimba ichisetuka chako chikwiza pakukwanilisiwa liyi? Nkimba ichinyazu ichakunangannya chinichi chikwiza pakupyanilaghapo liyi pachakwiyipa icha isiku ni siku? Nkimba abasilikali sona naba Mubuzilo Ubuzelu bakwiza pakukanyankiliwa mupaka liyi?”

Luka 18:34

Loli abamanyili bache batakivwisya nachimochimo pavyosi vinivi. Iching'anamulo icha mazyu chikafisiwa kukwabo, po batakamanya vivyo u Yesu akanenagha.

Yohani 12:16

Pakwanda abamanyili bache batakazyivwisya zinizi, loli bo u Yesu azyuka nukupeghiwa ubuchindamu, bakakumbuka ukuti Amasimbo ghakanenela zila nizya yuyo nukuti weyuyo bakamubombela zinizi.

Imbombo 1:7

U Yesu akababuzya akati, “Utubalilo na masiku tukuyaniziwa nu bulaghili ubwa Tata, sona yite mbombo yinyu pakumanya ukuti zinizi zikwiza pakubombiwa liyi.

1 Pitala 1:11

Abalaghuzi bala bakayezya pakukagha akabalilo akenecho, sona namumo kangizila. Aka kakaba kabalilo kako Umuzimu uwa Kilisitu yuyo akaba mumwabo akasonta. Bakanenela zila namumo u Kilisitu akwiza pakujimbila mumayimba, sona nu buchindamu bubo bukwiza pakukonkapo.