Daniyeli 12:3 - IBAYIBOLO 2024

³ Abantu babo bali na mahala bakwiza pakulama ngati yo mwanya. Bope abantu babo bakubalongozezya abantu abinji ku zila ingolosu, bakwiza pakulamagha ngati zyo ntondwa bwila na bwila.

Daniyeli 12:3 Iomraidhean Croise

Ukufuma 34:35

Abene bakachennya icheni chache ukuti chikulama, loli u Mozesi akavwinka sona icheni chache nu mwenda ghula mupaka pakabalilo akanji akakubukila sona pakunenezannya nu Mwene.

Ivyili 11:30

Inkalo inyiza yili ngati likwi ilipela bumi, loli ivyongo vikughogha.

Ivyili 3:35

Umuntu uwamahala akupokela umuchizi, loli akumukozya isoni umuntu umupunganu.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Umulumbilili 12:9

Pamwanya apakuba na mahala, umulumbilili yula, akabamanyisya abantu. Akinong'onagha nukubuzikizya akiza nkani, po akavibika ivyili mulubatiko lwache.

Yesaya 53:11

Bo ghachilapo amayimba ghache, akwiza pakwennya ulukozyo ulwa bumi nukwikutiziwa. Mubumanyi bwache umubombi wane umugholosu akwiza pakubanena abantu abinji ukuti bagholosu, po akwiza pakuzinyamula imbibi zyabo.

Yelemiya 23:22

Nanti bakimilila lumo mulukomano lwane, po ngali bakalumbilila amazyu ghane ku bantu bane, sona ngali bakabanyosyako ku zila zyabo imbibi, nakumbombo zyabo imbibi.”

Daniyeli 11:33

“Abalongozi abamahala, bakwiza pakugabana amahala na bantu abanji, loli pakabalilo akapimpa bakwiza pakughoghiwa kubwite sona nukochiwa numoto. Abantu banaba bakwiza pakufyuliwa ukatundu nukusendiwa pakuba bazya.

Daniyeli 11:35

Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Daniyeli 12:10

Abantu abinji bakwiza pakuswefyiwa, nukusukiwa sona baswepite, loli abantu ababibi bakwiza pakubanga babibi. Atalipo nayumoyumo umuntu umubibi yuyo akwiza pakwivwisya, loli abantu abamahala bene bo babo bakwiza pakwivwisyanga.

Matayi 13:43

Po abantu aba Chala bakwiza pakulama ngati lyo lizuba mu Bumwene ubwa Tata wabo. Yuyo ali na makutu aghakwivwila, ivwe!

Matayi 19:28

U Yesu akababuzya akati, “Naloli nkubabuzya ukuti bo u Mwana uwa Muntu ikaye pachitengo chache icha buchindamu pakabalilo kako ivintu vyosi vikwiza pakuba vyinyu, sona amwe mukwiza pakwikala pa vitengo 12 ivya bumwene pakulonga inko 12 izya ba Izilayeli.

Matayi 24:45

“Nkimba wewenu wambombo umusubiliwa nu wamahala? Weyuyo u mwene wache akumubika pakuba we songo uwa vintu vyache vyosi nukubapa abambombo abanji ichakulya pakabalilo akiza.

Yohani 4:36

Yuyo akwinula akupokela amalipilo ghache, sona akubungannya ivikomwa nukubuka nazyo ku bumi ubwa bwila na bwila, kokuti yuyo akubyala na yuyo akwinula basekelele poka.

Yohani 5:35

U Yohani akaba ngati yo nyale, yiyo yikaka nukulama, sona mukalondagha ukwilagha ulukozyo lwache pakabalilo akanandi bulo.

Imbombo 13:1

Muchipanga icha mukaya aka Antiyokiya mukaba abalaghuzi bamo na bamanyisi: U Balanabasi, u Simiyoni (yuyo akwitiziwanga ukuti mufitu), u Lusiyasi (uwamu Kileni), u Manayeni (yuyo akakulilagha poka nu Helodi umulaghili uwa chisu) nu Sabuli.

1 Aba Kolinti 3:10

Ukuyana ni chabupi chicho u Chala akampa, ane nkala ulwalo ngati ne muzengi uwamahala nkani, sona uyunji akuzenga palwalo lulalula. Loli umuntu wesi achebaye nkani namumo akuzengela.

Aba Efeso 4:11

Akaba weyuyo akabapa abantu ivyabupi ivyakuti bamo babanje batumiwa, abanji babanje balaghuzi, abanji babanje balumbilili, abanji babanje baputi, sona abanji babanje bamanyisi.

Aba Hebeli 5:12

Napapo pakabalilo aka ngali mwaba mwe bamanyisi, loli muchili mukumulonda umuntu uyunji ukuti abamanyisye sona ivimanyisyo ivyakwanda ivya mazyu agha Chala. Muchili mukunyonywa pakung'wela sona ulukama mubuzilo ubwa kulya ichakulya ichikafu.

2 Pitala 3:15

Mukumbukaye ukuti ubufisalyoyo ubwa Mwene witu ko kubapa ulusako abantu abanji ukuti bapone ukuyana namumo u Pabuli umughaniwa witu yula akabasimbila pakubombezya amahala ghagho u Chala akamupa.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Abalongi 5:31

“Wee Mwene, abalwani bako bosi bazimile bunubu. Loli abamanyani bako balamaye ngati mumo izuba likulamila, bo likufuma.” Po muchisu chila mukabamo umutende amaka 40.