Daniyeli 12:2 - IBAYIBOLO 2024

² Abantu abinji babo bakafwa kale sona bakasyiliwa bakwiza pakuzyuka. Abanji bakwiza bakwilaghagha ubumi ubwa bwila na bwila sona bamo bakwiza pakufundiwanga bwila na bwila.

Daniyeli 12:2 Iomraidhean Croise

Ivyili 12:8

Umuntu akupaliwanga ukuyana na mahala ghache, loli umuntu uwa nyinong'ono inyonganu akusamuliwanga.

Yesaya 26:19

Loli abafwe binyu bakwiza pakuba bumi, amabili ghabo ghakwiza pakuzyuka kubufwe. Amwe mwe mukwikala mulufumbi, nyamuka nukukolomoka nukusekela. Inganda yako yili ngati nganda iya pandabindabi, ichisu ichapasi chikwiza pakubanyosezya ubumi abantu abafwe.

Yesaya 66:24

“Bakwiza pakubuka pakwennya imivimba iya bantu babo bansambukiye, isomi zyabo zitakwiza pakufwa pamo ghope umoto wabo ghutakwiza pakuzima, bakwiza pakuba bulo vinyazu ku bantu bosi.”

Yelemiya 20:11

Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Ezekiyeli 37:12

Polelo ulaghule nukubabuzya ukuti, ‘U Mwene Uwamaka Ghosi akuti: Ennya nkwiza pakwighula amapumpa ghinyu nukubefyamo, po nkwiza pakubanyosekezya kuchisu icha Izilayeli.

Hoseya 13:14

Nkwiza pakubatabula kumaka aghipumpa, sona nkwiza pakubasatula kubufwe. Wee bufwe wee, nkimba iviwaya vyako vili ko kwiyi? Wee lipumpa wee, nkimba ukunangannya kwako kuli ko kwiyi? Ntakwiza pakuba ni chililizi nachimochimo.

Matayi 25:46

Po abantu bala bakwiza pakufundiwa bwila na bwila, loli abagholosu bakwiza pakwinjila mubumi ubwa bwila na bwila.”

Imbombo 24:15

Nkusubila mwa Chala ukuyana bulo namumo abene bakusubila ukuti abantu bosi abagholosu na babibi bakwiza pakuzyuka kubufwe.

Imbombo 7:60

Akafughama nukulila na mazyu agha pamwanya ukuti, “Wee Mwene! Utakakumbuke imbibi yabo iyi.” Bo anena zinizi akafwa.

Aba Loma 9:21

Umumatasonta yula ali na maka pakubombezya itope ukuyana namumo akulondela, sona nukumata isonta zibili ni tope lilalila, yimo yakubombezya mumasikumumasiku, iyinji iyakubombezya isiku ni siku.

1 Aba Tesalonika 4:14

Tukusubila ukuti u Yesu akafwa nukuzyuka sona kubufwe, tukusubila sona ukuti u Chala akwiza pakubazyusya poka nu Yesu, abantu babo bakafwila mumwache.

Ubuvumbuli 20:12

Nkennya sona abantu abafwe, abasongo na banandi bulo pantazi pachitengo icha bumwene. Amabuku ghakighuliwa, po ibuku ilinji likighuliwa, ili lyo libuku ilya bumi. Abantu abafwe bakalongiwa ukuyana ni mbombo zyabo zizyo bakabombagha vivyo vikasimbiwa mumabuku ghalaghala.