Daniyeli 12:13 - IBAYIBOLO 2024

¹³ “Loli awe Daniyeli, bukagha bulo mupaka pabumalilo. Ukwiza pakufwa, sona pabumalilo ukwiza pakuzyuka ukuti upeghiwe umuvwalo wako.”

Daniyeli 12:13 Iomraidhean Croise

Masalimo 1:5

Bo u Chala akubalonga abantu ababibi, batakwiza pakwimilila, sona akwiza pakubefya ababomba mbibi pakasi pabantu abagholosu.

Masalimo 16:5

Wee Mwene awe we mpyana yane, sona we lubako lwane lwalusayo, po intazi yane yili munyobe zyako.

Masalimo 16:9

Polelo umoyo wane wahoboka, sona umuzimu wane ghukusekela, umubili wane ghope ghukwiza pakutuzya umwakufwasa.

Ukufuma 33:14

Po u Mwene akamula akati, “Ane nemwene nkwiza pakubuka nawe, sona nkwiza pakubapa umutende.”

Daniyeli 12:3

Abantu babo bali na mahala bakwiza pakulama ngati yo mwanya. Bope abantu babo bakubalongozezya abantu abinji ku zila ingolosu, bakwiza pakulamagha ngati zyo ntondwa bwila na bwila.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Zekaliya 3:7

“U Mwene Uwamaka Ghosi ati, ‘Nanti ukwiza pakuzyivwila indaghilo zyane nukubomba zyizyo nkakubuzya ukuti ubombe, ukwiza pakubalaghila abamunyumba yane. Ukwiza pakuba nubulaghili mu Nyumba iya Chala sona nuwakwenelezya ulubinjilo lwache, nkwiza pakukwitikizya pakwikala poka na bantu babo bimiliye pano.

Matayi 19:28

U Yesu akababuzya akati, “Naloli nkubabuzya ukuti bo u Mwana uwa Muntu ikaye pachitengo chache icha buchindamu pakabalilo kako ivintu vyosi vikwiza pakuba vyinyu, sona amwe mukwiza pakwikala pa vitengo 12 ivya bumwene pakulonga inko 12 izya ba Izilayeli.

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

2 Aba Kolinti 5:1

Pakuti tuzimenye ukuti nanti ichisakasa chicho tukwikalamo pachisu ichapasi, chapankuliwa, tukwiza pakuba ni nyumba kumwanya yiyo u Chala atuyanizizye. Inyumba iyi yitakazengiwa ni nyobe izya bantu, sona yikwiza pakubangako bwila na bwila.

2 Aba Tesalonika 1:7

sona akwiza pakubapa ubutuzyo amwe mwe mukuyimba, poka naswe bulo. Akwiza pakubomba zinizi bo u Mwene u Yesu avumbuliwa kumwanya numoto uwakwaka, poka na bantumi bache abamaka.

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”