Daniyeli 12:1 - IBAYIBOLO 2024

¹ Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Daniyeli 12:1 Iomraidhean Croise

Masalimo 56:8

Umenye namumo nkuyimbila, bika amasozi ghane musonta yako. Nkimba utavisimbite vyosi vinivi mwibuku lyako?

Masalimo 69:28

Ughazimye amatabwa ghabo mwibuku ilya bumi, sona batakasimbiwanje poka na bantu abagholosu.

Yesaya 4:3

Abantu babo bakalekiwa mu Ziyoni, na babo bakwiza pakupona mu Yelusalemu bakwiza pakwitiziwa bazelu, bosi babo basimbiwe poka na bantu abumi aba mu Yelusalemu.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Ezekiyeli 13:9

Nkwiza pakabafunda abalaghuzi babo bakuvyennya ivisetuka ivyabumyasi sona bakulaghula ivyabumyasi. Batakwiza pakubangapo pankomano izya bantu bane pamo ukusimbiwa mumabuku agha ba Izilayeli, pamo ukwinjila ichisu icha Izilayeli. Po mukwiza pakumanya ukuti ane ne Mwene Uwamaka Ghosi.

Ezekiyeli 34:24

Ane ne Mwene nkwiza pakuba ne Chala wabo, sona umubombi wane u Devedi akwiza pakuba we mwene pakasi papabo. Ane ne Mwene nanena.

Ezekiyeli 5:9

Pachifukwa icha vifwani ivyamwiko, nkwiza pakubabombela ichintu chicho intabombitepo nalumo sona ntakwiza pakuchibombapo nalumo.

Daniyeli 10:13

Loli u mwene uwa muchisu icha Peleziya akalwana nane amasiku 21. Po u Mikayeli weka uwa bantumi aba kumwanya usongo nkani, akiza pakunyavwa, pachifukwa ichakuti nkasyala bulo nemwene mubumwene ubwa mu Peliziya.

Daniyeli 10:21

Ichakwanda nkulonda nkubuzye zizyo zisimbiwe mwi Buku ilya Bwanaloli. Atalilpo nayumoyumo uwakunyavwa, loli mwene u Mikayeli uwantumi wako uwakumwanya usongo nkani.

Daniyeli 11:45

Akwiza pakuzenga ivisakasa ivya bumwene pakasi panyanja sona ni ghamba izelu lilyo lyakuboneka akiza nkani. Loli akwiza pakufwa, sona atalipo nayumoyumo uwakumwavwa.”

Daniyeli 7:10

Ulusoko ulwa moto lukendagha, ukufuma pamaso papache. Abantu amasabuzani na masabuzani bakamubombelagha, sona abantu abinji nkani bakimilila pamaso papache. Po ubulongi bukanda, ghope amabuku ghakighuliwanga.

Daniyeli 9:12

Wazikwanilisya zizyo ukatubuzya sona zizyo ukababuzya abanyenya bitu pakutuwisizya intamyo. Zinizi zitabombiwepo nalumo ukuyana namumo chikabombiwa mu Yelusalemu.

Yoweli 2:2

Isiku ilya chisi sona nilya chitima, isiku ilya mabingu sona nilya chisi ichakoghofya. Abasilikali abamaka nkani bakwiza, ngati ko kubuche kuvwinkite mumaghamba mosi. Banaba batabonekitepo nalumo, napapo mo muntazi batakwiza pakuboneka.

Malaki 3:16

Po abantu babo bakumunyila u Mwene bakanenezannya, u Mwene akabateghelezya nukubivwa. Ibuku ilya chikumbusyo likasimbiwa Pantazi papache ukuyana na babo bakamunyila nukumuchindika.

Matayi 24:21

Pakuti intamyo izya masiku ghala zikwiza pakuba mpalapala nkani ukuchila zyosi zizyo zikabapo na kale, ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Maliko 13:19

Pakuti intamyo izya masiku ghala zikwiza pakuba mpalapala nkani ukuchila zyosi zizyo ichisu ichapasi chikomanitepo nazyo ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Luka 10:20

Loli mutakahobokaye pachifukwa ichakuti imizimu imibibi yikabivwila, loli muhobokaye nkani ukuti amatabwa ghinyu ghasimbiwe kumwanya.”

Aba Loma 11:15

Nanti abantu aba muchisu ichapasi bakasayana nu Chala pachifukwa ichakuti akabakana aba Yuda, nkimba kukwiza pakuba bulibuli bo bakupokeliwa sona? Kukwiza pakuba ngati bo bantu abafwe, babo bazyuka kubufwe.

Aba Loma 11:26

Umu momumo aba Izilayeli bosi bakwiza pakupokeliwa. Pakuti Amasimbo ghakuti, “Umupoki akwiza pakufuma mu Ziyoni nu kwefya imbibi zyosi izya baluko ulwa Yakobo.

Aba Efeso 1:21

Ilelo u Kilisitu akulaghila pamwanya pa bamwene bosi, na balaghili bosi, na basongo bosi aba kumwanya, sona ali pamwanya pamatabwa ghosi, ghagho abantu bangitiziwa nagho akabalilo aka, pamo na kabalilo kako kakwiza.

Aba Filipi 4:3

Eee, nkukulaba nawe bulo, we mubombi wamwitu umusubiliwa, ukuti ubavwe abakolo aba, pakuti bakabomba nkani poka nane pakufumusya Amazyu Amiza, poka nu Kelementi, sona na babombi abamwitu bosi, babo amatabwa ghabo ghasimbiwe mwibuku ilya bumi.

Yuda 1:9

Nu Mikayeli bulo, usongo uwa bantumi aba kumwanya, atakabomba zinizi, bo akudalinkana nu Satana nizya muvimba uwa Mozesi. U Mikayeli atakajimba pakumulonga u Satana na mazyu aghantuko, loli akati, “U Mwene akuchemele.”

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 12:7

Po ubwite bukanda kumwanya, u Mikayeli na bantumi bache pakulwana ni nyivwila yila. Yope inyivwila yila na bantumi bache pakulwana nu Mikayeli,

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 20:12

Nkennya sona abantu abafwe, abasongo na banandi bulo pantazi pachitengo icha bumwene. Amabuku ghakighuliwa, po ibuku ilinji likighuliwa, ili lyo libuku ilya bumi. Abantu abafwe bakalongiwa ukuyana ni mbombo zyabo zizyo bakabombagha vivyo vikasimbiwa mumabuku ghalaghala.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.