Daniyeli 11:8 - IBAYIBOLO 2024

⁸ U mwene yula akwiza pakuvinyosekezya sona ivifwani vila muchisu icha Ijiputi sona ni vibombelo ivinji ivya golide nu siliva, vivyo vipaghuliliwe ku bachala balabala. Bo pachilapo amaka aminji nkani agha mutende,

Daniyeli 11:8 Iomraidhean Croise

Ubwandilo 31:30

Inzimenye ukuti ukachimbila pachifukwa ichakuti ukasamba nkani pakubwela kukaya kinyu. Po nkimba choni chicho ukiba utwachala utwa munyumba yane?”

2 Samuweli 5:21

Aba Filisiti bakavileka ivifwani vyabo kulakula, po u Devedi na bantu bache bakavisenda nukubwela navyo.

Ukufuma 12:12

“Ubusiku bunubu nkwiza pakudumusannya muchisu chosi icha Ijiputi, po nkwiza pakumughogha ukatote wesi umulumendo nu mwana wesi uwakwanda pakupapiwa uwa chinyamana. Nkwiza pakubafunda abachala abanji bosi aba muchisu icha Ijiputi. Ane ne Mwene.

Yesaya 2:16

Akwiza pakughanangannya amabwato ghosi amakulu agha mu Talishishi nukughadwibizya, sona na mabwato ghosi agha kuboneka akiza.

Yesaya 37:19

Babasumbila abachala babo mumoto nukubanangannya, pakuti batakaba bo bachala, loli bakaba bo bachala abamakwi na bamabwe, babo bakapangiwa ni nyobe izya bantu.

Yelemiya 46:25

U Mwene Uwamaka Ghosi, u Chala uwa ba Izilayeli akuti, “Nkwiza nulufundo kwa Amoni u chala uwa Tebesi napa Falabo, sona na muchisu chosi icha Ijiputi poka na bachala bache, na bamwene bache, sona napa bosi babo bakumusubila u Falabo.

Daniyeli 10:3

Intakalyapo ivyakulya ivinoni, pamo ukulya inyama pamo ukung'wela uvinyo pamo ukupesa isisi mupaka pakamala abasabata batatu.

Daniyeli 11:9

u mwene uwa muchisu icha kumitu akwiza pakulwa ubwite ni chisu icha kuntende, loli akwiza pakunyokela kuchisu chache.

Hoseya 13:15

Napapo aba Efulayimu bangahoboka nkani ngati lutete. Impepo iya Mwene iyakubufumilo ubwizuba, iyikufuma munkolongo, imbwibwi niviziba vikwiza pakukamuka, ivibombelo vyache vyosi ivya mutengo vikwiza pakufyuliwa.

Hoseya 8:6

Nkimba ichifwani chinichi chitafuma mu Izilayeli? Chapangiwa nabafundi bulo. Te we Chala, awe, ichifwani ichakubiziwa mu Samaliya chila, chikwiza pakutiziwa mutuvigaba.

Ukubelengiwa 33:4

Pakabalilo kalakala aba Ijiputi bakaba pakusyila abana babo abakatote, babo u Mwene akabaghogha pakasi papabo, pakuti u Mwene akabatanizya abachala babo.

Ukukumbusya Amalamulo 12:3

Mumongolannye ivighemo vyabo vyosi, sona mufwantannye impanda zyabo impaghuliwa izya mabwe. Mughochannye amakwi ghabo aghakwiputilapo u Ashela, sona muvinangannye ivifwani ivya bachala babo nukughazimya amatabwa ghabo mubuzilo bulabula.

Abalongi 18:24

U Mika akabamula akati, “Mwanyibila abachala bane, babo nkipangila nemwene, poka nu muputi wane nukubuka. Nkimba nasyalapo ni choni? Po mukundalusya bulibuli ukuti, ‘Nkimba choni chatamya?’ ”