Daniyeli 11:7 - IBAYIBOLO 2024

⁷ Pisinda pache weka uwa bakamu bache akwiza pakuba we mwene. Akwiza pakulwa ubwite na basilikali aba kumitu nukwinjila mwilinga, po akwiza pakubapota.

Daniyeli 11:7 Iomraidhean Croise

Yobu 14:7

“Ikwi lili nu lusubilo: Nanti lyadumuliwa, kokuti likwiza pakulemba sona, utusamba twache tutakwiza pakufoka.”

Masalimo 109:8

Amasiku ghache ghadumukaye bulo, po umuntu yumo abupyanaye ubulongozi bwache bulabula.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Yesaya 11:1

Akasamba kakwiza pakufuma muchisinko icha Yese, akasamba akanandi kakwiza pakwela ivikomwa ukufuma kumagululuzi ghache.

Yesaya 9:14

Po u Mwene akaghudumulako umutu nu musinda uwa ba Izilayeli, nutusamba utwa mabale ni ntete mwisiku lyoka.

Yelemiya 12:2

Wewe ukubyala makwi sona amagululuzi ghache ghakwisimika ghakukula nukwela ivikomwa. Bakukunena akabalilo kosi, loli amoyo ghabo ghali kubutali nawe.

Ezekiyeli 17:18

U mwene uwa Yuda akakana ichilapo nukulunangannya ulufingo, lulo akafinga. Pachifukwa ichakuti apotwa pakukwanilisya zizyo akafinga, pope bulo abomba vyosi vinivi, atakwiza pakupona.

Daniyeli 11:40

“Bo akabalilo aka mwene uwa kumitu kali papipi pakukwana, u mwene uwa chisu icha kuntende, akwiza pakulwa nawe ubwite, loli u mwene uwa chisu icha kumitu akwiza pakumunyelela ngati we kankungu pakubombezya ingolo izya bwite, ni falasi, sona na mabwato amakulu nkani aminji. Akwiza pakwiza muvyisu vila ngati gho mizi aghakwizula.

Daniyeli 11:6

Bo ghachilapo amaka, abamwene babili banaba bakwiza pakuba pabumanyani. Umwana umulindu uwa mwene uwa Kuntende akwiza pakubuka kwa mwene uwa Kumitu nukupanga ubumanyani, loli atakwiza pakubusenda ubumwene bwache bula, po butakwiza pakwendelela sona nu mwana yula poka na bambombo, babo bakabuka poka nu mukolo yula, bakwiza pakughoghiwa.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”