Daniyeli 11:40 - IBAYIBOLO 2024

⁴⁰ “Bo akabalilo aka mwene uwa kumitu kali papipi pakukwana, u mwene uwa chisu icha kuntende, akwiza pakulwa nawe ubwite, loli u mwene uwa chisu icha kumitu akwiza pakumunyelela ngati we kankungu pakubombezya ingolo izya bwite, ni falasi, sona na mabwato amakulu nkani aminji. Akwiza pakwiza muvyisu vila ngati gho mizi aghakwizula.

Daniyeli 11:40 Iomraidhean Croise

Yesaya 21:1

Agha gho mazyu aghabulaghuzi ghagho ghakunena nizya nkolongo iya kunyanja: Ngati kankungu kako kakuzyungulila ichisu ichakuntende, ukunanganika kukwiza pakufuma kunkolongo iya kuchisu ichakoghofya.

Yesaya 5:28

Utulasilo twabo tukwete nkani, sona ubwele bwabo bosi bwayaniziwa, inyayo izya falasi zyabo zili ngati lipangazibwe, ivingelengele ivya ngolo ivya bwite, vikuzyungulila ngati we kankungu.

Yesaya 66:15

Ennya, u Mwene akwiza numoto, sona ingolo zyache zili ngati we kankungu, akwiza pakukwanilisya ubukali bwache ubwakoghofya, sona ukuchemela kwache kuli ni ndimi izya moto.

Yelemiya 4:13

Ennya! Abalwani bakwiza ngati mabingu, ingolo zyabo zikwiza ngati we kankungu, ifalasi zyabo zyalubilo ngati mazwanga. Chighune kukwitu! Twafwa!

Ezekiyeli 38:4

Nkwiza pakukuzyunguzya, nukubika indobani munjegho zyako. Nkwiza pakukwefya awe poka na basilikali bako bosi, nifalasi zyako zyosi na bantu babo bakwendezya ifalasi babo bavwete ivilwilo ivya bwite, nichilundilo ichikulu nkani chicho chili ni ngulu inkulu ninandi, bo umusilikali wesi anyamuye ingulu nabapanga.

Ezekiyeli 38:9

Awe na basilikali bako bosi ninko inyinji zizyo zili poka nawe, mukwiza pakwiza ngati we kankungu, sona ngati libingu ilya kuvwinka ichisu.

Daniyeli 11:10

Umwana uwa mwene uwa kumitu akwiza pakwiyannya pakulwa ubwite nukwibunganikila abasilikali abinji nkani, babo bakwiza ngati ko kwizula ukwa mizi mupaka nukulizyungulila ilinga ilya mwene.

Daniyeli 11:11

“Pachifukwa icha kukalala kwache, u mwene uwa muchisu icha kuntende akwiza pakulwa ubwite nu mwene uwa chisu icha kumitu. Po u mwene uwa kumitu akwiza pakuba na basilikali abinji loli bakwiza pakupotiwa.

Daniyeli 11:13

U mwene uwa chisu icha kumitu akwiza pakubabungannya abasilikali abinji nkani ukuchila mumo akabela nabo pakwanda. Nanti akabalilo kiza kakwana, akwiza pakunyokela na basilikali abinji nkani, bo banyamuye ivilwilo.

Daniyeli 11:22

Akwiza pakubamala abasilikali pamaso papache poka ni kambala ilya lufingo.

Daniyeli 11:25

“Akwiza pakuba mujivu pakubombezya amaka ghache pakubabungannya abasilikali ukuti alwe ubwite nu mwene uwa chigaba icha kuntende. U mwene uwa kuchigaba icha kuntende akwiza kubwite bunubu na basilikali abinji nkani, sona na bamaka, loli batakwiza pakubapota abasilikali aba kumitu pachifukwa ichakuti imbatiko imbibi zizyo zikabatikiliwa payuyo.

Daniyeli 11:35

Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Daniyeli 11:39

Pakulivighilila ilinga lila, akwiza pakubabombezya abantu babo bakubiputa abachala abanji. Akwiza pakubapa umuchizi umukulu nkani abantu babo bakumwitika ukuti mulaghili, akwiza pakubakwezya pambombo, sona akwiza pakubapa ichigaba icha chisu pakuba muvwalo wabo.

Daniyeli 11:7

Pisinda pache weka uwa bakamu bache akwiza pakuba we mwene. Akwiza pakulwa ubwite na basilikali aba kumitu nukwinjila mwilinga, po akwiza pakubapota.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Daniyeli 12:9

Akamula akati, “Daniyeli, bukagha pakuti amazyu ghanagha ghakubusyefu sona ghamatiwe mupaka pakabalilo akabumalilo.

Daniyeli 8:17

Bo akupalamila papo nkimilila, nkanyila po nkawa ubukupama. Akambuzya akati, “Wee mwana uwa muntu, uchivwisye ichisetuka chikunena nizya masiku aghabumalilo.”

Habakuku 3:14

Ni mpalala yache ukamulasa kumutu, bo abasilikali bache abamaka biza ngati we kankungu pakutunyampannya. Bakituvyanga ngati bantu babo bakulonda pakubalya abantu babo bakuyiviwa.

Zekaliya 9:14

Po u Mwene akwiza pakubabonekela, akwiza pakusumba utulasilo ngati kamesya. U Mwene Uwamaka Ghosi akwiza pakulizya ipati, akwiza pakulefuka mukankungu uwakuntende,

Ubuvumbuli 16:12

Uwantumi wasikisi akakupulila vivyo vikaba mulubako lwache mulusoko ulwa Yufuleti. Ulusoko lukapwa pakubayanizizya izila abamwene abakubufumilo bwizuba.

Ubuvumbuli 9:16

Nkabuziwa ukuti ubwinji ubwa basilikali abakukwela ifalasi bukaba amamiliyoni 200.