Daniyeli 11:4 - IBAYIBOLO 2024

⁴ Loli bo ubulaghili bwache bwafika pa chinamwene, ubumwene bwache bukwiza pakunanganika, sona bukwiza pakugabinkana muvigaba folo. Abaluko lwache batakwiza pakubupyana ubumwene bulabula, sona butakwiza pakubanga na maka ngati mumo akabela umwenecho, pachifukwa ichakuti ubumwene bula bukwiza pakunyunkuliwa nukubikiwa munyobe izya bantu abanji.

Daniyeli 11:4 Iomraidhean Croise

Masalimo 39:6

Umuntu akwendakwenda bulo ngati muzyezye, sona akwitamya bulo ni vintu vivyo vite ni mbombo. Akwilundikila ubukabi, loli atamumenye yuyo akwiza pakwilagha ubumi bwache bulabula.

Umulumbilili 4:8

Pakabapo umuntu yumo yuyo akaba bulo mwene atakaba nu mwana pamo uwamwabo. Atakalekagha pakwiyula, loli atakikutagha nu bukabi bwache. Akilalusya akati, “Nkimba nkumuyimbila uwenu, sona nkimba choni chicho nkwiyima nemwene ukwilagha?” Vyope vinivi vite ni mbombo nayimoyimo, ko kuyimba bulo.

Yelemiya 12:15

Loli bo nabanyunkulamo, nkwiza pakubapelela sona ichisa abapalamani bala, sona nkwiza pakulunyosezya uluko losi kuchilingo chache na kuchisu ichache ni chache.

Yelemiya 12:17

Loli nanti uluko luli losi lutakunteghelezya, nkwiza pakulunyunkulannya nukulunangannya. Ane ne Mwene nanena.”

Yelemiya 18:7

Pakabalilo kosi nkulufumusya uluko pamo ubumwene ukuti bunyunkuliwe nukuzepuliwa sona nukubunangannya,

Yelemiya 31:40

Ikombe lyosi kuko imivimba yikusyiliwa sona kuko itoyi likutaghiwa, sona na maghunda ghosi ukwandila kwi Kombe ilya Kidiloni kubufumilo bwizuba mupaka kunkuto iya Mulyango uwa Falasi, likwiza pakuba lipaghuliwa kwa Mwene. Akaya akakulu nkani katakwiza pakunyunkuliwa pamo pakumongoliwa sona.”

Yelemiya 45:4

U Mwene akuti, “Umubuzye u Baluki ukuti, ‘Nkwiza pakuchimongolannya chicho nkachizenga. Momumo nkwiza pakubombela ni chisu chosi.

Yelemiya 49:36

Nkwiza pakubizila na balwani kunkuto zyosi, sona nkwiza pakubanyambanizizya aba Elamu kosi na kosi. Aba Elamu bakwiza pakubuka ku vyisu vyosi ivya pachisu ichapasi pakuba bazya.

Ezekiyeli 37:9

Po akambuzya akati, “Laghula kumuyi; laghula, wee mwana uwa muntu, sona unene uti, ‘U Mwene Uwamaka Ghosi akuti: Zagha wee muyi uwakufumila kunkuto zyosi folo ufutile pabakughoghiwa aba, umwakuti babe nubumi.’ ”

Daniyeli 7:2

“Ane ne Daniyeli, pabusiku nkachennya ichisetuka icha mpepo yikuputa iyakufuma kunkuto zyosi folo, nukuyivundula inyanja inkulu nkani.

Daniyeli 7:6

“Pisinda pache nkachennya sona ichinyamana ichinji, chicho chikabonekagha ngati we zyela. Panyuma chikaba ni vipapande folo ngati vya chiyuni. Ichinyamana chinichi chikaba ni mitu folo, sona chikapeghiwa amaka aghakulaghilila.

Daniyeli 7:8

“Bo nkwinong'ona nizya mpembe zila, nkennya sona akampembe akanji kako kakamela pakasi pa zinji zila. Kakazinyunkula impembe zitatu pakasi pampembe izyakwanda zila umwakuti paghiwepo ubuzilo. Akampembe kanaka kakaba na maso ngati gha muntu, sona nu mulomo ghugho ghukanenagha umwakwitutumula.

Daniyeli 8:22

Impembe folo zizyo zikamela papo pakabapo ulupembe lulo lukapyoka zikwimilila ubumwene folo bubo bukwiza pakuboneka ukufuma pakasi pa baluko lwache, loli amaka ghabo ghatakwiza pakuyana na maka agha mwene uwakwanda yula.

Daniyeli 8:8

Po usabwe yula akaba na maka nkani. Loli bo amaka ghache ghaba minji nkani, ulupembe lwache ulukulu nkani lula lukapyoka, papo pakamelapo impembe folo inkulu nkani, zizyo zikennyanga kunkuto zyosi folo izya kumwanya.

Zekaliya 2:6

U Mwene ati, “Zagha! Zagha! Mwee, chimbilako kuchisu icha kumitu, pakuti nabanyampanizizya mumpepo folo izya mumwanya.

Zekaliya 6:5

Uwantumi akanyamula akati, “Zinizi zyo mpepo folo izya kumwanya, zyafuma bulo pamaso pa Mwene uwa chisu chosi ichapasi.

Matayi 12:25

U Yesu akazimanya inyinong'ono zyabo, po akababuzya akati, “Nanti ubumwene bwasambukilana bwenebwene, ubumwene bula butangendelela, sona nanti abantu aba mukaya, pamo abamunyumba basambukilana benebene, akaya kala pamo inyumba yila yitangendelela.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

Ubuvumbuli 7:1

Pisinda pazinizi nkennya abantumi aba kumwanya folo bimiliye pankuto folo izya chisu ichapasi. Bakalema impepo folo umwakuti kutakabeko nayimoyimo impepo iyakukuka muchisu ichapasi pamo panyanja pamo pikwi lyosi.