Daniyeli 11:37 - IBAYIBOLO 2024

³⁷ U mwene yula akwiza pakubasula abachala aba banyenya babo bakababombelagha, sona nu chala yuyo abakolo bakamughana. Naloliloli akwiza pakumusula u chala wesi, pachifukwa ichakuti akwiza pakwinong'ona ukuti wapamwanya nkani ukubachila abachala abanji bosi.

Daniyeli 11:37 Iomraidhean Croise

Ubwandilo 3:16

Po u Chala akamubuzya umukolo akati, “Nkwiza pakonjelezya intamyo pabung'wamu bwako, sona nu bubavu pakusayiwa umwana. Loli pope bulo ukwiza pakumunyonywa umulume wako, po akwiza pakukulamulila.”

Ubwandilo 3:5

U Chala akanena bunubu pachifukwa ichakuti akumanya ukuti nanti mwalya ivikomwa vila, amaso ghinyu ghakwiza pakwighuka, sona mukwiza pakuba ngati we Chala, mukwiza pakumanya ichiza ni chibibi.”

Inyimbo izya Solomoni 7:10

Ane ne wache uwa mughaniwa wane, po ichinyonywa chache chili papane.

Yesaya 14:13

Ukanenagha mumoyo wako ukuti, ‘Nkwiza pakukwela kumwanya, nukukwezya ichitengo icha bumwene, pamwamya pantondwa izya Chala, nkwiza pakwikala pachitengo pighamba ilya kumitu, kuko abachala bakubunganaghako.

Yesaya 14:14

Nkwiza pakukwela pamwanya pamabingu, nukwipela nemwene pakuyana bulo nu Wakumwanya Nkani.’

Ezekiyeli 24:16

“Wee mwana uwa muntu, ennya umwalubilolubilo indi papipi pakwefyako ichintu chicho amaso ghako ghakuhoboka nacho. Loli utakabanje ni chitima pamo ukulila pamo pakukupula amasozi.

Ezekiyeli 28:2

“Wee mwana uwa muntu, mubuzye umulaghili uwa kaya akakulu nkani aka Tile ukuti, ‘U Mwene Uwamaka Ghosi akuti: Pachifukwa icha moyo wako uwakwikwezya wati, “Ane ne chala, nkwikala pachitengo icha chala pakasi panyanja.” Loli we muntu bulo, ute we chala, napapo ukwinong'ona ukuti, we wamahala ngati we chala.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 11:38

Akwiza pakumuchindika u chala yuyo akughavighilila amalinga, u chala yuyo abanyenya batakamumanya, akwiza pakumupa ivyabupi u chala yula, u golide nu siliva, na mabwe aghamutengo nkani.

Daniyeli 8:11

Akitutumula nkani mupaka nukulonda pakulwana nu songo uwa basilikali aba kumwanya bala. Akamazya ivyakwiyipa ivya isiku ni siku kwa Chala, sona akabumongolannya Ubuzilo Ubuzelu.

Ukukumbusya Amalamulo 21:11

Zingabombiwa ukuti pakasi pabantu babo babalemite wamwennyapo umukolo umwiza, yuyo wamughana nkani, angaba muchi wako.

Ukukumbusya Amalamulo 5:21

“Utakayinyonywanje inyumba iya mupalamani wako pamo umughunda wache. Utakamunyonywanje umuchi uwa mupalamani wako pamo uwambombo wache umwanavuli pamo umukolo pamo ing'ombe zyache pamo impunda zyache pamo ichintu chosi chicho ali nacho.”

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

1 Timoti 4:3

Abantu banaba bakubakanizya abantu pakusendana, sona nukubalamula ukuti batakalyanje ivyakulya vimo. Loli u Chala akavipela ivyakulya vilavila ukuti vilyewanje na bantu babo bakusubila, sona bantu babo babumenye ubwanaloli, bo bapalizya kwa Chala.