Daniyeli 11:36 - IBAYIBOLO 2024

³⁶ “U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 11:36 Iomraidhean Croise

Masalimo 136:2

Mumupalizyanje u Chala uwa bachala. Ulughano lwache lwa bwila na bwila.

Masalimo 33:10

U Mwene akuzivulungannyanga imbatiko izya inko imbibi, sona akuzipelagha pakuba zyabulo inyinong'ono izya luko.

Ivyili 19:21

Umuntu angabatika inyinji nkani mumoyo wache, loli ubwighane ubwa Mwene bo bubo bukukwanilisiwanga.

Yesaya 10:23

U Mwene Uwamaka Ghosi, akwiza pakuchinangannya ichisu chosi ichapasi ngati mumo akalamulila.

Yesaya 10:25

Pakuti kwasyala bulo akabalilo akanandi ukuti ukukalala kwane kumale, sona ubukali bwane bukwiza pakubanangannya.”

Yesaya 10:5

U Mwene akuti, “Chighune kuba Asiliya, indisa iya ukukalala kwane, munyobe zyabo muli intughu iya ubukali bwane!

Yesaya 14:13

Ukanenagha mumoyo wako ukuti, ‘Nkwiza pakukwela kumwanya, nukukwezya ichitengo icha bumwene, pamwamya pantondwa izya Chala, nkwiza pakwikala pachitengo pighamba ilya kumitu, kuko abachala bakubunganaghako.

Yesaya 14:14

Nkwiza pakukwela pamwanya pamabingu, nukwipela nemwene pakuyana bulo nu Wakumwanya Nkani.’

Yesaya 26:20

Mwe bantu bane, bukagha mwinjile ivipinda vyinyu nukwighalila inyiyi kwisinda kwinyu, po muvwame akabalilo akanandi bulo, mupaka ubukali bwache bumale.

Yesaya 30:33

Pakuti ubuzilo ubwa kochelapo ivintu buyaniziwe kale, bwayaniziwa zila kwa mwene uwa ku Asiliya. Ichiliba icha moto chinichi chibizu, sona ichikulu chiyaniziwe chizuye numoto sona ninkwi, umuyi uwa Mwene ghuli, ngati kasoko aka sulufule kakupemba umoto.

Yesaya 46:10

Ukwanda popa bwandilo, nkanena zizyo zikwiza pakubako kubumalilo, nkanenela zila nizya muntazi, zizyo zikuya pakwiza. Nkunena ukuti, “Inyinong'ono zyane zitakwiza pakupotwa, nkwiza pakubomba zyosi, zizyo nkalonda pakubomba.”

Yesaya 57:9

Mukabuka ku Moleki na mafuta agha misyunguti, nukonjelezyapo utwakununkila twinyu. Mukatuma abimilili binyu kubutali, sona nakuchisu icha bafwe.

Ezekiyeli 28:2

“Wee mwana uwa muntu, mubuzye umulaghili uwa kaya akakulu nkani aka Tile ukuti, ‘U Mwene Uwamaka Ghosi akuti: Pachifukwa icha moyo wako uwakwikwezya wati, “Ane ne chala, nkwikala pachitengo icha chala pakasi panyanja.” Loli we muntu bulo, ute we chala, napapo ukwinong'ona ukuti, we wamahala ngati we chala.

Ezekiyeli 35:13

Pakunena bunubo, mukituvya nkani umwakususannya nane sona mwantuka nivintu ivyinji nkani, amazyu ghosi ghanagha naghivwa.

Daniyeli 11:16

U mwene uwa kumitu akwiza pakubomba zizyo akulonda, atalipo nayumo, yuyo akwiza pakwiminkana nawe. Akwiza pakwikalana muchisu ichakuboneka akiza nkani, po ivintu vyosi vikwiza pakuba pasi pabulaghili bwache.

Daniyeli 11:3

Po u mwene uwamaka nkani akwiza pakuboneka, yuyo akwiza pakulaghilagha nu bulaghili ubukulu nkani, sona akwiza pakubombagha zizyo zikumuhobosya.

Daniyeli 11:37

U mwene yula akwiza pakubasula abachala aba banyenya babo bakababombelagha, sona nu chala yuyo abakolo bakamughana. Naloliloli akwiza pakumusula u chala wesi, pachifukwa ichakuti akwiza pakwinong'ona ukuti wapamwanya nkani ukubachila abachala abanji bosi.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Daniyeli 4:35

Abantu bosi aba muchisu ichapasi, bantu bulo pamaso papache. Akubomba vivyo vikumuhobosya, na maka agha kumwanya, sona nagha bantu aba pachisu ichapasi. Atalipo nayumoyumo yuyo angayikanizya inyobe yache, pamo pakumulalusya ukuti, “Nkimba ukubomba ichoni?”

Daniyeli 5:19

Akaba mukulu nkani umwakuti, naba inko zyosi, nuluko losi sona na baneno zyosi bakamunyilagha nkani nukutetema pamaso papache. Nanti akalondagha pakumughogha umuntu yumo, naloli akamughogha. Nanti akalondagha pakumuleka mumi umuntu yumo, naloli akamulekagha mumi. Nanti akalondagha pakumukwezya umuntu yumo, naloli akamukwezyanga. Nanti akalondagha pakumukozya isoni umuntu yumo, naloli akamukozyanga isoni.

Daniyeli 5:20

Loli pachifukwa ichakuti akituvyanga, nukukazya umoyo sona nukwitutumula nkani, akefiwapo pachitengo chache icha bumwene nukumufyula ubuchindamu.

Daniyeli 7:8

“Bo nkwinong'ona nizya mpembe zila, nkennya sona akampembe akanji kako kakamela pakasi pa zinji zila. Kakazinyunkula impembe zitatu pakasi pampembe izyakwanda zila umwakuti paghiwepo ubuzilo. Akampembe kanaka kakaba na maso ngati gha muntu, sona nu mulomo ghugho ghukanenagha umwakwitutumula.

Daniyeli 8:19

Akati, “Nkwiza pakukubuzya zizyo zikwiza pakubombiwa bo ubukali bwamala, pakuti ichisetuka chikunena nizya masiku aghabumalilo.

Daniyeli 8:4

Nkamwennya udubi yula akupulila kubwinjililo ubwizuba, kumitu, sona na kuntende. Chitakabapo nachimochimo ichinyamana ichakumupota, sona atakabapo nayumoyumo umuntu uwakuchipoka. Akabombagha namumo akalondelagha, po akaba na maka nkani.

Zekaliya 11:16

Pakuti nkukubika pakuba we mudimi uwa chisu, yuyo atakwiza pakuzisungilila ing'ozi izyakusobela, pamo pakutulonda utwana, pamo pakuzipozya zizyo zivulaye, pamo pakuzilyesya zizyo zitabinite, loli akwiza pakulya inyama iya ng'ozi inyine, sona nukuzepulannya inyayo zyabo.

Yohani 5:30

“Intangabomba nachimo pane mwene. Nkulonga bulo namumo u Chala akumbuzizya, po ubulongi bwane bwanaloli pakuti intakubomba ubwighane bwane, loli ubwighane ubwa yuyo akantuma.

Yohani 6:38

pakuti intikite kumwanya pakubomba ubwighane ubwane nu bwane, loli nizite pakubomba ubwighane ubwa yuyo akantuma.

Imbombo 4:28

Bakabungana poka pakubomba vyosi vivyo awe na maka ghako, sona nu bwighane bwako ukabatika ukuti vikwiza pakubombiwa.

Ukukumbusya Amalamulo 10:17

Pakuti u Mwene, u Chala winyu ali pamwanya pa bachala bosi, sona we Mwene uwa bamwene, we Chala umukulu nu wamaka, sona wakoghofya nkani. Atakwennya icheni icha muntu sona atangabekiwa.

2 Aba Tesalonika 2:3

Patakabepo nayumo umuntu uwakubazimbula napo panandi, pakuti isiku lila litakwiza mupaka papo ukumusambukila u Chala ukwabumalilo kwabombiwa, sona umuntu Umubibi yula aboneke, yuyo ubumalilo bwache ko kuzimila.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

Yoshwa 22:22

“Uwamaka Ghosi we Chala! We Mwene! Uwamaka Ghosi we Chala! We Mwene! Achimenye ichifukwa chicho tukabombela bunubu, sona namwe bulo muchimanye! Nanti tukamusambukila u Mwene pachifukwa ichakusita kumwivwila, mutakatwitikizye ukuti tubanje nubumi.

Ubuvumbuli 10:7

Loli bo uwantumi waseveni alizya ipati lyache, izya kubusyefu zizyo u Chala akayanizya zila zikwiza pakubombiwa, ukuyana namumo akafumusikizya pakasi pa bambombo bache abalaghuzi!”

Ubuvumbuli 12:14

Loli umukolo yula akapeghiwa ivipapande vibili ivya lizwanga, umwakuti abulukile munkolongo, kubuzilo bubo akwiza pakusungiwako akiza amaka matatu nu hafu ukuti inyivwila yila yitakamuleme.

Ubuvumbuli 13:1

Pisinda pache nkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pamutu wache ghosi pakasimbiwapo itabwa ilyakumusamula u Chala.

Ubuvumbuli 17:17

Pakuti u Chala avipiye umoyo uwakuti abombe vivyo akabatikila zila pakwitikizya ukuchipa ichinyamana chila amaka ghabo aghakulaghilila mupaka amazyu agha Chala ghakwanilisiwe.

Ubuvumbuli 17:3

Po u Muzimu Umuzelu akansendela munkolongo. Kulakula nkamwennya umukolo ikaye pachinyamana ichichesamu, chicho chikaba ni mitu seveni, sona ni mpembe teni, zizyo zikaba na matabwa posi na posi aghakumusamula u Chala.