Daniyeli 11:35 - IBAYIBOLO 2024

³⁵ Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Daniyeli 11:35 Iomraidhean Croise

2 Imbili 32:31

Abalongozi aba mu Babiloni bakazituma intumi pakumulalusya nizya chimanyilo ichakuswighisya chicho chikabombiwa muchisu chache. Po u Chala akamuleka ukuti amuyele umwakuti amanye zizyo akinong'onagha.

Ivyili 17:3

Umoto gho ghugho ghukusunguluzya usiliva nu golide, loli u Mwene weyuyo akughupima umoyo uwa muntu.

Yesaya 27:9

Bunubu, po imbibi izya Izilayeli zikwiza pakuhobokeliwa, vinivi vikwiza pakuba vikomwa ivyakwefesezya imbibi, akwiza pakughatizannya amabwe ghosi agha vighemo pakuba lufumbi, ichighemo ichakwiputilapo ichifwani icha Ashela, pamo ichighemo ichakufukizizya utwa kununkila, vitakwiza pakubangapo sona.

Daniyeli 11:27

Abamwene babili aba moyo amabibi, bakwiza pakwikala pitebulo lyoka sona bakwiza pakuzimbulana. Loli batakwiza pakuchagha chicho bakuchilonda, pakuti akabalilo kachili katafikiye.

Daniyeli 11:29

“Bo pachilapo akabalilo u mwene uwa chisu icha kumitu akwiza pakunyokela kuchisu icha kuntende, loli atakwiza pakupota ukuyana namumo akabombela pakwanda.

Daniyeli 11:33

“Abalongozi abamahala, bakwiza pakugabana amahala na bantu abanji, loli pakabalilo akapimpa bakwiza pakughoghiwa kubwite sona nukochiwa numoto. Abantu banaba bakwiza pakufyuliwa ukatundu nukusendiwa pakuba bazya.

Daniyeli 11:40

“Bo akabalilo aka mwene uwa kumitu kali papipi pakukwana, u mwene uwa chisu icha kuntende, akwiza pakulwa nawe ubwite, loli u mwene uwa chisu icha kumitu akwiza pakumunyelela ngati we kankungu pakubombezya ingolo izya bwite, ni falasi, sona na mabwato amakulu nkani aminji. Akwiza pakwiza muvyisu vila ngati gho mizi aghakwizula.

Daniyeli 12:3

Abantu babo bali na mahala bakwiza pakulama ngati yo mwanya. Bope abantu babo bakubalongozezya abantu abinji ku zila ingolosu, bakwiza pakulamagha ngati zyo ntondwa bwila na bwila.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Daniyeli 8:10

Ulupembe lula lukakula nkani, umwakuti lukapalamasyanga utubukatila ni ntondwa na basilikali aba kumwanya, po lukabasumbila pasi abasilikali bamo aba kumwanya nukubakanyankila.

Daniyeli 8:17

Bo akupalamila papo nkimilila, nkanyila po nkawa ubukupama. Akambuzya akati, “Wee mwana uwa muntu, uchivwisye ichisetuka chikunena nizya masiku aghabumalilo.”

Daniyeli 8:19

Akati, “Nkwiza pakukubuzya zizyo zikwiza pakubombiwa bo ubukali bwamala, pakuti ichisetuka chikunena nizya masiku aghabumalilo.

Daniyeli 9:27

Umulaghili yula akwiza pakufingana na bantu abinji nkani ukwa maka seveni, loli uhafu uwamasiku ghanagha akwiza pakukanizya ivyakwiyipa ni vyabupi. Akwiza pakubika ichintu icha mwiko mu Nyumba iya Chala, chikwiza pakubanga mulamula. Chinichi chikwiza pakubangako mupaka umuntu yuyo akabomba zinizi afundiwe nukunanganika, kuko u Chala amuyanizizizye.”

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Matayi 16:17

U Yesu akamula akati, “Wee musayiwa, Simoni umwana uwa Yohani. Pakuti ubwanaloli ubu bute ubwa bantu, loli bukapeghiwa kukwako nu Tata wane uwakumwanya.

Matayi 26:56

Loli vyosi vinivi vyabombiwa ukuti vivyo abalaghuzi bakasimba vikwanilisiwe.” Po abamanyili bache bosi bakamuleka nukuchimbila.

Yohani 15:2

Akudumula papane akasamba kosi kako katakwela ivikomwa, loli akupalantila akasamba kosi kako kakwela ivikomwa, umwakuti kele ivikomwa ivyinji.

Yohani 20:25

Po abamanyili abanji bala bakamubuzya bakati, “Twamwennya u Mwene!” U Tomasi akanena nabo akati, “Pene papo nennya amabala agha mizumali munyobe zyache nukughalema ni nyobe zyane, sona nukubika inyobe yane mumbazu zyache, ntakwiza pakusubila.”

Imbombo 13:13

U Pabuli na bamanyani bache bakenda pa bwato ukufuma mu Pafosi nukubuka mu Peliga, akaya akakulu nkani aka mu Pamfiliya. Kulakula u Yohani Maliko akabaleka nukunyokela mu Yelusalemu.

Ukukumbusya Amalamulo 8:16

Akabapa umana ukuti mulyanje, ichakulya chicho bope na banyenya binyu batakachighonjapo nalumolumo. Akabatumila intamyo pakubayela amwe, umwakuti pabumalilo bwache abasaye nukubabombela ivintu ivyiza.

Yakobo 1:2

Mwee bakamu bane, musekelaye bo mukukomana ni njelo izyakulekanalekana,

Ubuvumbuli 14:15

Uwantumi uyunji akafuma mu Nyumba iya Chala nukumubuzya nizyu ilya pamwanya nkani yuyo akikalagha pibingu ukuti, “Bombezya isengo yako pakwinula pakuti akabalilo akakwinulila kakwana pakuti ivibyalwa ivya muchisu ichapasi vyatona.”

Ubuvumbuli 17:17

Pakuti u Chala avipiye umoyo uwakuti abombe vivyo akabatikila zila pakwitikizya ukuchipa ichinyamana chila amaka ghabo aghakulaghilila mupaka amazyu agha Chala ghakwanilisiwe.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.