Daniyeli 11:34 - IBAYIBOLO 2024

³⁴ Bo abantu banaba bawa bakwiza pakupokela ubwavwilizi ubunandi bulo, sona abantu abinji babo te basubiliwa bakwiza pakuba poka nabo.

Daniyeli 11:34 Iomraidhean Croise

Daniyeli 11:21

“Mubuzilo bwache akwiza pakuboneka umuntu yuyo abantu batakwiza pakumupima pakuba we mwene, yuyo umwakuchenusya bulo akwiza pakubufyula ubumwene mubuchevu.

Daniyeli 11:32

U mwene yula akwiza pakubazimbula na mazyu aghakubadebula abantu babo bakulunangannya ulufingo. Loli abantu babo bamumenye u Chala bakwiza pakwima nkani.

Matayi 7:15

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi!

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Aba Galatiya 2:4

Ifundo iyi yikanda pachifukwa icha bakamu bamo abamyasi, babo bakaba palapala. Abene bakinjila mubusyefu mukabukatila kitu ukuti batendele ubusatuke, bubo tuli nabo mwa Kilisitu Yesu, pakuti bakalondagha ukuti tubanje bazya.

2 Timoti 4:3

Pakuti akabalilo kakwiza, po abantu bakwiza pakuchikana ichimanyisyo ichanaloli. Loli bakwiza pakukonka ivinyonywa vyabo nukwibunganikila bene abamanyisi abinji, babo bakwiza pakubabuzya zizyo amakutu ghabo ghakunyeghela ukuti ghivwe.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

1 Yohani 4:1

Mwee bamanyani bane abaghaniwa, mutakabasubilaye abantu bosi babo bakuti bali nu Muzimu Umuzelu, loli mubayezyanje ukuti mumanye nanti naloli umuzimu ghugho bali nagho wakwa Chala. Pakuti abalaghuzi abamyasi binji nkani muchisu chosi ichapasi.

1 Yohani 4:5

Abalaghuzi abamyasi banaba ba muchisu ichapasi, pakuti bakunena ivintu ivya muchisu ichapasi, ichi cho chifukwa abantu bakubateghelezya.

2 Yohani 1:7

Abazimbuli abinji babo batakwitika ukuti u Yesu Kilisitu akiza mu mubili uwa buntu, bendabenda muchisu chosi ichapasi. Abantu banaba bazimbuli, sona balwani aba Kilisitu.

Yuda 1:4

Pakuti abantu bamo babo batakumunyila u Chala bakinjila pakasi papinyu umwakusita ukumanyikwa, abantu babo bakunyongannya ichisa icha Chala witu, ngati po chintu chimo chicho chikubapa ubusatuke ubwakubombela ivintu ivinyazu. Abantu banaba bakumukana u Yesu Kilisitu u Mwene witu Uwamaka mwene. Kale Amasimbo ghakalaghula nizya lufundo lulo bapokela.

Ubuvumbuli 12:13

Bo inyivwila yila yazyaghannya ukuti yisumbiwe pachisu ichapasi, yikanda pakumuchimbizya umukolo yuyo akapapa umwana umulumendo.

Ubuvumbuli 2:20

Loli ichintu chicho nkukususya nacho chakuti, ukumwennya bulo umukolo u Yezebelo yula, yuyo akwinena mwene ukuti mulaghuzi. Akubasovya ababombi bane ni chimanyisyo chache nukubamanyisya ukuti babombaye ubwamalaya nukulya ichakulya chicho chibikiwe ku vifwani ukuti chibanje chakwiyipa.