Daniyeli 11:33 - IBAYIBOLO 2024

³³ “Abalongozi abamahala, bakwiza pakugabana amahala na bantu abanji, loli pakabalilo akapimpa bakwiza pakughoghiwa kubwite sona nukochiwa numoto. Abantu banaba bakwiza pakufyuliwa ukatundu nukusendiwa pakuba bazya.

Daniyeli 11:33 Iomraidhean Croise

Daniyeli 12:10

Abantu abinji bakwiza pakuswefyiwa, nukusukiwa sona baswepite, loli abantu ababibi bakwiza pakubanga babibi. Atalipo nayumoyumo umuntu umubibi yuyo akwiza pakwivwisya, loli abantu abamahala bene bo babo bakwiza pakwivwisyanga.

Malaki 2:7

“Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Matayi 10:21

“Abantu bakwiza pakubabika abawamwabo ukuti baghoghiwe, sona na bawise bope bakwiza pakubabombela bunubu abana babo. Abana bakwiza pakubasambukila abapapi babo ukuti baghoghiwe.

Matayi 13:11

U Yesu akamula akati, “U Chala abavumbulila vivyo vifisiwe ivya Bumwene ubwa Kumwanya, loli abantu bosi abanji, awe.

Matayi 20:23

U Yesu akababuzya akati, “Naloli mungang'wela mulubako lwane, loli inte nu bulaghili ubwakusala uwakwikala kunyobe indilo na kunyobe iyamongo. Ubuzilo ubu ubwa bantu babo Utata wane abayanizizya.”

Matayi 24:9

“Mukwiza pakulemiwa ukuti muvwimiwe nukughoghiwa. Abantu bosi muvyisu vyosi bakwiza pakubabenga pachifukwa icha nene.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Yohani 16:2

Bakwiza pakubepusya munyumba izyakwiputilamo, sona akabalilo kakwiza kako umuntu wesi yuyo akubaghogha akwiza pakwinong'ona ukuti pakubomba bunubu, akumubombela u Chala.

Imbombo 11:26

Bo amwagha akabuka nawe ku Antiyokiya, po umwaka umupuma abantu babili bala bakakomana na bantu muchipanga nukumanyisya ichilundilo ichikulu icha bantu. Mukaba mo mu Antiyokiya mumo abitiki bakanda pakwitiziwa ukuti bo bakilisitu.

Imbombo 14:21

Bo u Pabuli nu Balanabasi balumbilila Amazyu Amiza mu Delibe nukukaba abitiki abinji, bakanyokela mu Lisitila, na mu Ikoniya, sona na mu Antiyokiya muchigaba icha Pisidiya.

1 Aba Kolinti 4:9

Pakuti ane nkwennya ukuti u Chala atubikite aswe twe batumiwa pabuzilo ubwa bumalilo nkani, tuyanite bulo na bantu babo kwadumuliwa ukuti baghoghiwe bulo pabuzelu. Pakuti twaba twe kantu akalwangalo aka bantu aba muchisu chosi ichapasi, sona naka bantumi aba Chala.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

2 Timoti 4:6

Loli ane, akabalilo kane kakwanite kale akakuti impunguliwe ukuti chibanje chakwiyipa ichakung'wela; akabalilo kane akakubukila kakwana.

Aba Hebeli 11:34

bakazimya umoto uwakoghofya, bakapona kwa panga uwakughogha. Napapo bakaba badedebazu, loli bakapokela amaka, umwakuti bakabachimbizya abasilikali aba balwani babo.

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 6:9

Bo u Mwana uwa ng'ozi amamatula ichimatilo ichafayivi, nkennya imizimu iya bantu muntende mwa chighemo, babo bakaghoghiwa pachifukwa icha mazyu agha Chala, sona nu lusimikizyo lwabo ulwamaka.

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.