Daniyeli 11:30 - IBAYIBOLO 2024

³⁰ Amabwato amakulu nkani agha kubwinjililo bwizuba ghakwiza pakulwana nawe sona akwiza pakunyokela mwisinda. Po u mwene yula akwiza pakunyokela nukutanizya ubukali bwache pa lufingo uluzelu. Akwiza pakwivwana na bantu babo bakalukana ulufingo uluzelu.

Daniyeli 11:30 Iomraidhean Croise

Ubwandilo 10:4

Abana aba Yavani bakaba bo aba: U Elisha nu Talishishi nu Sayipulasi sona nu Lodanimu.

1 Imbili 1:7

Abana aba Yavani bakaba bo aba: U Elisha nu Talishishi nu Sayipulasi sona nu Lodanimu.

Nehemiya 6:12

Po nkazyaghannya ukuti atakaba we Chala yuyo akamutuma, loli akalaghula umwakususannya nane pachifukwa ichakuti u Tobiya nu Sanibalati bo babo bakamubeka.

Yesaya 23:1

Agha gho mazyu aghabulaghuzi ghagho ghakunena nizya kaya akakulu nkani aka Tile: Wee bwato ubukulu nkani ubwa Talishishi lilagha! Pachifukwa ichakuti akaya aka Tile kananganika, sona kasyala kate ni nyumba pamo iloboko. Amazyu ghaba gha abantu aba muchisu icha Sayipulasi.

Yesaya 23:12

Po akati, “Wee kaya aka Sidoni utakwiza pakusekela, mwee bantu ba mu Sidoni, ilelo mwayiviwa! Ukalobokela ku Sayipulasi, kope kulakula utakwiza pakubwagha ubutuzyo.”

Yelemiya 2:10

Loboka inyanja ku lubazu ulwa Sayipulasi, nukutuma yumo kubufumilo ubwizuba, ku Kedali ukuti enelezye nkani papipi, ennye nanti chikabapo chimo ngati chinichi.

Ezekiyeli 27:6

Bakabiza inkafi izya kuvighila izya makwi, agha mupandapanda agha muchisu icha Bashani, bakapangila akatalati na matabwa agha mulombwa mu Sayipulasi, bakabikapo amino agha zovu.

Daniyeli 11:28

U mwene uwa muchisu icha kumitu akwiza pakubwela kuchisu chache nu bukabi ubwinji nkani. Umoyo wache ghukwiza pakulwana nu lufingo uluzelu. Akwiza pakubombagha imbombo yache, nukunyokela kuchisu ichache ni chache.

Daniyeli 11:29

“Bo pachilapo akabalilo u mwene uwa chisu icha kumitu akwiza pakunyokela kuchisu icha kuntende, loli atakwiza pakupota ukuyana namumo akabombela pakwanda.

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Ukubelengiwa 24:24

Loli amabwato amakulu nkani ghakwiza pakufuma ku Sayipulasi, pakubapota aba Asiliya naba Ebeli, loli bope ubumalilo bwabo ko kuzimila bulo.”

Matayi 24:10

Abantu abinji bakwiza pakutagha ulwitiko lwabo pakabalilo kanako; bakwiza pakulongelelana nukubengana.

Ubuvumbuli 12:12

Polelo hobokagha, awe chisu icha kumwanya sona namwe mwe bantu mwebosi mwe mukwikalamo! Loli ntamyo kuchisu ichapasi ni nyanja, pakuti u Satana ikila papinyu. Izuye nu bukali nkani pachifukwa ichakuti azimenye ukuti asyala na kabalilo akanandi bulo.”