Daniyeli 11:27 - IBAYIBOLO 2024

²⁷ Abamwene babili aba moyo amabibi, bakwiza pakwikala pitebulo lyoka sona bakwiza pakuzimbulana. Loli batakwiza pakuchagha chicho bakuchilonda, pakuti akabalilo kachili katafikiye.

Daniyeli 11:27 Iomraidhean Croise

2 Samuweli 13:26

Po u Abisalomu akati, “Nanti utakubukako, buli umwitikizye uwamwitu u Amunoni ukuti abuke poka naswe.” U mwene akamulalusya akati, “Choni chicho ukulonda ukuti u Amunoni abuke poka nawe?”

Masalimo 12:2

Umuntu wesi akutamanta ku mupalamani wache, sona akumuzimbula na mazyu amanonu.

Masalimo 52:1

Wee muntu uwamaka, nkimba choni chicho ukwituvikizya imbombo zyako imbibi? Fwandi choni chicho ukwituvya isiku lyosi, awe we muntu umukozya isoni pamaso pa Chala?

Masalimo 58:2

Amoyo ghinyu ghakwinong'ona bulo ivintu ivibibi vyene, sona inyobe zyinyu zikupela ivyongo vyene pachisu ichapasi.

Masalimo 62:9

Abantu bosi bali ngati muyi bulo, abapasi na bapamwanya bosi bayanite bulo. Nanti bapimiwa ni chipimilo batakung'wama, pakuti bosi banaba bayanite bulo nu muyi.

Masalimo 64:6

Bakwinong'ona ivibibi bakuti, “Apa po twabatika akiza nkani!” Naloli inyinong'ono nu moyo uwa muntu vichevu.

Ivyili 12:20

Mumoyo uwa bantu babo bakubatika ububibi, mukuba ubumyasi, loli abantu babo bakwinong'ona nizya mutende bakuhobokagha.

Ivyili 19:21

Umuntu angabatika inyinji nkani mumoyo wache, loli ubwighane ubwa Mwene bo bubo bukukwanilisiwanga.

Ivyili 26:23

Amazyu ghabuzimbuli ghagho ghakufisa chicho umuntu akwinong'ona, ghayanite bulo nitope lilyo bakumatila isonta.

Ezekiyeli 17:9

“Ubabuzye ukuti, ‘U Mwene Uwamaka Ghosi akuti: Nkimba ikwi ili likwiza pakukula akiza? Nkimba ikwi litakwiza pakunyunkuliwa nukubulutuliwa ivikomwa vyache? Umwakuti amani ghache ghumile, ghakwiza pakumila. Ichakumela chosi ichipya chikwiza pakufoka. Chitakulonda amaka aminji pamo pakunyunkuliwa ninko inyinji.

Daniyeli 10:1

Mumwaka uwabutatu, bo u mwene u Sayilasi akulaghila ichisu icha Peleziya, ubuvumbuli bukapeghiwa kwa Daniyeli, yuyo akaba we Belitishazala. Amazyu ghache ghakaba ghanaloli, sona ghakanenagha nizya bwite ubukulu. U Daniyeli akivwisya nkani amazyu ghala, bo achennya ichisetuka.

Daniyeli 11:28

U mwene uwa muchisu icha kumitu akwiza pakubwela kuchisu chache nu bukabi ubwinji nkani. Umoyo wache ghukwiza pakulwana nu lufingo uluzelu. Akwiza pakubombagha imbombo yache, nukunyokela kuchisu ichache ni chache.

Daniyeli 11:29

“Bo pachilapo akabalilo u mwene uwa chisu icha kumitu akwiza pakunyokela kuchisu icha kuntende, loli atakwiza pakupota ukuyana namumo akabombela pakwanda.

Daniyeli 11:35

Abantu bamo abamahala bakwiza pakwipunula umwakuti baswefiwanje, pakuti ukuswefiwa kukubapela ukuti batakabe ni chilema nachimochimo mupaka pakabalilo akabumalilo, pakuti kakwiza pakukwana akabalilo kako u Chala akasala.

Daniyeli 11:40

“Bo akabalilo aka mwene uwa kumitu kali papipi pakukwana, u mwene uwa chisu icha kuntende, akwiza pakulwa nawe ubwite, loli u mwene uwa chisu icha kumitu akwiza pakumunyelela ngati we kankungu pakubombezya ingolo izya bwite, ni falasi, sona na mabwato amakulu nkani aminji. Akwiza pakwiza muvyisu vila ngati gho mizi aghakwizula.

Daniyeli 8:17

Bo akupalamila papo nkimilila, nkanyila po nkawa ubukupama. Akambuzya akati, “Wee mwana uwa muntu, uchivwisye ichisetuka chikunena nizya masiku aghabumalilo.”

Daniyeli 8:19

Akati, “Nkwiza pakukubuzya zizyo zikwiza pakubombiwa bo ubukali bwamala, pakuti ichisetuka chikunena nizya masiku aghabumalilo.

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.

Imbombo 1:7

U Yesu akababuzya akati, “Utubalilo na masiku tukuyaniziwa nu bulaghili ubwa Tata, sona yite mbombo yinyu pakumanya ukuti zinizi zikwiza pakubombiwa liyi.

Imbombo 17:31

Pakuti abikite isiku lyoka lilyo akwiza pakubalonga abantu bosi aba muchisu ichapasi mubwanaloli ukwendela mu Muntu yuyo amusalite. Abasimikizizya zinizi abantu bosi pakumuzyusya u Muntu yula kubufwe!”

1 Aba Tesalonika 5:1

Mwee bakamu bane, chitakulondiwa ukuti imbasimbile nizya tubalilo pamo amasiku, ghagho ivintu vyosi ivi vikwiza pakuboneka.