Daniyeli 11:26 - IBAYIBOLO 2024

²⁶ Babo bakulya ivyakulya ivinoni ivya mwene yula, akwiza pakuyezya pakumunangannya. Abasilikali bache bakwiza pakumala, sona bakwiza pakughoghiwa bosi kubwite.

Daniyeli 11:26 Iomraidhean Croise

2 Abamwene 8:14

Bo u Hazeyeli anyokako, u Beni Hadadi akamulalusya akati, “Nkimba u Elisha akubuzya choni?” U Hazeyeli akamwamula akati, “Ambuzya ukuti naloli ukwiza pakupola.”

Masalimo 41:9

Wepe nu mumanyani wane bulo uwa pamoyo, yuyo nkulya poka nawe ichibama, ansambukiye.

Daniyeli 11:10

Umwana uwa mwene uwa kumitu akwiza pakwiyannya pakulwa ubwite nukwibunganikila abasilikali abinji nkani, babo bakwiza ngati ko kwizula ukwa mizi mupaka nukulizyungulila ilinga ilya mwene.

Daniyeli 11:22

Akwiza pakubamala abasilikali pamaso papache poka ni kambala ilya lufingo.

Daniyeli 11:40

“Bo akabalilo aka mwene uwa kumitu kali papipi pakukwana, u mwene uwa chisu icha kuntende, akwiza pakulwa nawe ubwite, loli u mwene uwa chisu icha kumitu akwiza pakumunyelela ngati we kankungu pakubombezya ingolo izya bwite, ni falasi, sona na mabwato amakulu nkani aminji. Akwiza pakwiza muvyisu vila ngati gho mizi aghakwizula.

Matayi 26:23

U Yesu akabamula akati, “Umuntu yuyo akusazila poka nane ichibama mumbale weyuyo akwiza pakumbika munyobe izya balwani.

Maliko 14:20

U Yesu akamula akati, “Umuntu yumo pakasi papinyu amwe mwe 12, yuyo akusazila poka nane ichibama mumbale.

Yohani 13:18

“Intakubanena mwebosi; ane imbamenye babo nabasala. Loli Amasimbo ghakwanilisiwe ghagho ghakuti, ‘Umuntu yuyo nkulya poka nawe ichibama, ansambukiye.’