Daniyeli 11:25 - IBAYIBOLO 2024

²⁵ “Akwiza pakuba mujivu pakubombezya amaka ghache pakubabungannya abasilikali ukuti alwe ubwite nu mwene uwa chigaba icha kuntende. U mwene uwa kuchigaba icha kuntende akwiza kubwite bunubu na basilikali abinji nkani, sona na bamaka, loli batakwiza pakubapota abasilikali aba kumitu pachifukwa ichakuti imbatiko imbibi zizyo zikabatikiliwa payuyo.

Daniyeli 11:25 Iomraidhean Croise

Ivyili 15:18

Umuntu uwakukalala mwalwemwalwe akunyamusyanga ivyongo, loli umufisalyoyo akupela umutende.

Ivyili 28:25

Umuntu umupafu akupela bulo ivyongo, loli yuyo akumusubila u Mwene ivintu vikumwendelagha akiza.

Daniyeli 11:10

Umwana uwa mwene uwa kumitu akwiza pakwiyannya pakulwa ubwite nukwibunganikila abasilikali abinji nkani, babo bakwiza ngati ko kwizula ukwa mizi mupaka nukulizyungulila ilinga ilya mwene.

Daniyeli 11:2

“Polelo nkukubuzya ubwanaloli ukuti abamwene abanji batatu bakwiza pakuboneka muchisu icha Peleziya. Pisinda pache pakwiza u mwene uwafolo, yuyo akwiza pakuba mukabi nkani ukubachila abanji bosi bala. Nanti aba nu bulaghili pachifukwa icha bukabi bwache, akwiza pakubapela abantu bosi ukuti babusambukilaye ubumwene ubwa Gilisi.

Daniyeli 11:40

“Bo akabalilo aka mwene uwa kumitu kali papipi pakukwana, u mwene uwa chisu icha kuntende, akwiza pakulwa nawe ubwite, loli u mwene uwa chisu icha kumitu akwiza pakumunyelela ngati we kankungu pakubombezya ingolo izya bwite, ni falasi, sona na mabwato amakulu nkani aminji. Akwiza pakwiza muvyisu vila ngati gho mizi aghakwizula.

Daniyeli 11:5

“U mwene uwa kuntende akwiza pakubanga na maka nkani. Loli usongo weka uwa basilikali bache, weyuyo akwiza pakubanga na maka nkani ukumuchila. Po akwiza pakubanga nu bumwene ubwache nu bwache sona akwiza pakulaghila na maka amakulu nkani.