Daniyeli 11:21 - IBAYIBOLO 2024

²¹ “Mubuzilo bwache akwiza pakuboneka umuntu yuyo abantu batakwiza pakumupima pakuba we mwene, yuyo umwakuchenusya bulo akwiza pakubufyula ubumwene mubuchevu.

Daniyeli 11:21 Iomraidhean Croise

Masalimo 12:8

Abantu ababibi bakwembela bulo, bo abantu bakubupala ububibi.

Masalimo 15:4

Bo babo bakubasulannya abantu ababibi, loli bakubachindika abantu babo bakumuchindika u Mwene. Banaba bo babo bakukwanilisya ichilapo chabo napapo ichilapo chila chakuvulazya nkani mumoyo.

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Yesaya 32:5

Umupunganu atakwiza pakupokela umuchizi, pamo umuntu umubibi atakwiza pakuchindikiwa.

Daniyeli 11:20

“Mubuzilo bwache kukwiza pakuboneka u mwene uyunji, yuyo akwiza pakumutuma umuntu yumo pakusonkezya umusonko, umwakuti ichisu chache chibanje chikabi. U mwene yula akwiza pakughoghiwa bo pachilapo akabalilo akanandi bulo, loli atakwiza pakughoghiwa pabuzelu, awe, sona ate akaghoghiwe pabwite, awe.

Daniyeli 11:32

U mwene yula akwiza pakubazimbula na mazyu aghakubadebula abantu babo bakulunangannya ulufingo. Loli abantu babo bamumenye u Chala bakwiza pakwima nkani.

Daniyeli 11:34

Bo abantu banaba bawa bakwiza pakupokela ubwavwilizi ubunandi bulo, sona abantu abinji babo te basubiliwa bakwiza pakuba poka nabo.

Daniyeli 11:7

Pisinda pache weka uwa bakamu bache akwiza pakuba we mwene. Akwiza pakulwa ubwite na basilikali aba kumitu nukwinjila mwilinga, po akwiza pakubapota.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 7:8

“Bo nkwinong'ona nizya mpembe zila, nkennya sona akampembe akanji kako kakamela pakasi pa zinji zila. Kakazinyunkula impembe zitatu pakasi pampembe izyakwanda zila umwakuti paghiwepo ubuzilo. Akampembe kanaka kakaba na maso ngati gha muntu, sona nu mulomo ghugho ghukanenagha umwakwitutumula.

Daniyeli 8:23

“Mumasiku aghabumalilo agha bulaghili ubwa bamwene banaba, bo ukusambuka kwabo kwaba kubibi nkani, akwiza pakubanangannya abantu sona po pakwiza pakuboneka u mwene umukali nkani umuzimbuli.

Daniyeli 8:25

Pachifukwa icha buzimbuli bwache akwiza pakupota. Akwiza pakwituvya nukubanangannya abantu abinji nkani, sona akwiza pakumusambukila u mwene uwa bamwene. Pope bulo akwiza pakunanganika loli te namaka agha bantu.

Daniyeli 8:9

Palupembe loka pakamelapo ulupembe ulunandi lulo lukaba lukulu nkani, lukennyanga kuntende, na kubufumilo ubwizuba, sona na ku Chisu Ichakuboneka akiza nkani.

Nahumu 1:14

U Mwene abika ilamulo, lilyo likunena nizya amwe mweba Ninive ilyakuti, “Mutakwiza pakuba nabaluko babo bakwiza pakumanyikwa nitabwa lyinyu. Nkwiza pakuvinangannya ivifwani ivyakubiza, vivyo vili munyumba izya bachala binyu. Nkwiza pakuliyannya ipumpa lyinyu, pakuti mutabaghiye pakuba nubumi.”

1 Samuweli 3:13

Pakuti nkamubuzya u Eli ukuti nkwiza pakubalonga abamunyumba yache bwila na bwila pachifukwa icha mbibi yiyo akayimanya kale. Abana bache bakinyazya bene, loli u Eli atakabakanizya.