Daniyeli 11:2 - IBAYIBOLO 2024

² “Polelo nkukubuzya ubwanaloli ukuti abamwene abanji batatu bakwiza pakuboneka muchisu icha Peleziya. Pisinda pache pakwiza u mwene uwafolo, yuyo akwiza pakuba mukabi nkani ukubachila abanji bosi bala. Nanti aba nu bulaghili pachifukwa icha bukabi bwache, akwiza pakubapela abantu bosi ukuti babusambukilaye ubumwene ubwa Gilisi.

Daniyeli 11:2 Iomraidhean Croise

Ezila 4:24

Po imbombo iyakuzenga Inyumba iya Chala mu Yelusalemu yikalekeleziwa tasi mupaka mumwaka uwabubili uwa bulaghili ubwa mwene u Daliyasi uwamu Peleziya.

Ezila 4:7

Umwakuyana bulo, bo u mwene u Alitakiselesesi uwamu Peleziya akulaghila, u Bishilamu nu Mitiledati nu Tabeli na bamwabo abanji bosi bakamusimbila ukalata u mwene u Alitakiselesesi uwamu Peleziya. Ukalata yulayula akasimbiwa mu Chialamu sona bakamusanusyanga bo bakumubelengela u mwene.

Esitele 1:1

Ivi vyo vivyo vikabombiwa pakabalilo aka Ahaziwelo, yuyo akalaghilagha ivigaba 127 ukwandila ku Indiya mupaka ku Etiyopiya.

Ivyili 22:21

Nakumanyisya amazyu aghanaloli sona na masubiliwa, umwakuti umwamulaye akiza yuyo akutumite.

Daniyeli 10:1

Mumwaka uwabutatu, bo u mwene u Sayilasi akulaghila ichisu icha Peleziya, ubuvumbuli bukapeghiwa kwa Daniyeli, yuyo akaba we Belitishazala. Amazyu ghache ghakaba ghanaloli, sona ghakanenagha nizya bwite ubukulu. U Daniyeli akivwisya nkani amazyu ghala, bo achennya ichisetuka.

Daniyeli 11:25

“Akwiza pakuba mujivu pakubombezya amaka ghache pakubabungannya abasilikali ukuti alwe ubwite nu mwene uwa chigaba icha kuntende. U mwene uwa kuchigaba icha kuntende akwiza kubwite bunubu na basilikali abinji nkani, sona na bamaka, loli batakwiza pakubapota abasilikali aba kumitu pachifukwa ichakuti imbatiko imbibi zizyo zikabatikiliwa payuyo.

Daniyeli 7:5

“Nkachennya sona ichinyamana ichabubili, chicho chikabonekagha ngati we zyela. Chikakwela ulubazu loka, sona mumulomo wache chikaba ni mbazu zitatu pakasi pa mino ghache. Chikabuziwa ukuti, ‘Wee nyamuka lyanga inyama mumo ungalyela!’

Daniyeli 8:21

Usabwe yula akwimilila ubumwene ubwa Gilisi, sona ulupembe ulukulu nkani lulo luli pakasi pamaso we mwene wakwanda.

Daniyeli 8:26

“Ichisetuka icha pachamabwila na pandabindabi chicho chipeghiwe kukwako chanaloli, loli utakachivumbulaye ichisetuka chinichi pakuti chikunena nizya muntazi nkani.”

Daniyeli 8:4

Nkamwennya udubi yula akupulila kubwinjililo ubwizuba, kumitu, sona na kuntende. Chitakabapo nachimochimo ichinyamana ichakumupota, sona atakabapo nayumoyumo umuntu uwakuchipoka. Akabombagha namumo akalondelagha, po akaba na maka nkani.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Yohani 10:35

Tuzimenye ukuti zizyo Amasimbo ghakuti zyanaloli bwila na bwila, sona u Chala akabita abantu bala ukuti bachala, ku bantu babo amazyu ghakaneniwangako.

Ubuvumbuli 21:5

Panapo uwakwikala pachitengo icha bumwene yula akati, “Losi ulu nkwandula ivintu vyosi pakuba vipya!” Akanena sona kukwane akati, “Simba ivi, pakuti amazyu ghanagha ghanaloli, sona masubiliwa.”