Daniyeli 11:18 - IBAYIBOLO 2024

¹⁸ Pisinda pache akwiza pakubuka pakulwa ubwite ni vyisu ivya mulubazu ulwa nyanja inkulu nukuvipota ivyisu ivyinji. Loli usongo uwa basilikali akwiza pakupotiwa, umwakuti akwiza pakumazya inkalo yache nkozyasoni.

Daniyeli 11:18 Iomraidhean Croise

Esitele 10:1

U mwene u Ahaziwelo akalamula ukuti umuntu wesi mubumwene bwache bosi mupaka mulubazu ulwa nyanja asonkaye umusonko.

Yesaya 66:19

“Nkwiza pakubika ichimanyilo pakasi papabo, sona nkwiza pakutuma babo bakapona ku inko, kuchisu icha ku Talishishi nicha ku Libiya nicha Lidiya nicha Tubali sona nicha Gilisi na kuvyisu ivyakubutali ivya mulubazu munyanja vivyo vitivuye ubumanyikwe bwane pamo ukubwennya ubuchindamu bwane. Bakwiza pakufumusya ubuchindamu bwane pakasi pa inko.

Yelemiya 2:10

Loboka inyanja ku lubazu ulwa Sayipulasi, nukutuma yumo kubufumilo ubwizuba, ku Kedali ukuti enelezye nkani papipi, ennye nanti chikabapo chimo ngati chinichi.

Yelemiya 31:10

U Mwene akuti, “Mwee inko, nteghelezya. Lumbilila amazyu ku bantu muvyisu ivya mulubazu ulwa nyanja, munenaye mutinji, ‘Yuyo akabanyampannya aba Izilayeli akwiza pakubabungannya, sona akwiza pakughusungilila umudimo ngati mumo umudimi akusungilila ing'ozi zyache.’

Ezekiyeli 27:6

Bakabiza inkafi izya kuvighila izya makwi, agha mupandapanda agha muchisu icha Bashani, bakapangila akatalati na matabwa agha mulombwa mu Sayipulasi, bakabikapo amino agha zovu.

Hoseya 12:14

Loli aba Efulayimu bakamukalalizya nkani u Mwene, po bafwanje pachifukwa ichakunanga kwabo. U Mwene akwiza pakubafunda, pachifukwa icha nkozyasoni zizyo babomba.

Zefaniya 2:11

U Mwene akwiza pakuboghofya, bo akubanangannya abachala bosi aba chisu ichapasi. Inko zyosi zikwiza pakumwiputa, inko yosi muchisu chache.

Matayi 7:2

Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.