Daniyeli 10:6 - IBAYIBOLO 2024

⁶ Umubili wache ghukanyezimilagha ngati mabwe aghamutengo, icheni chache chikalamagha ngati kamesya, amaso ghache ghakakagha ngati nkozyo, zyope inyobe ni vinama vikanyezimilagha ngati mukuba, izyu lyache likivwikagha ngati chilundilo icha bantu.

Daniyeli 10:6 Iomraidhean Croise

Ukufuma 28:20

Mumuzele uwafolo ubikemo utumabwe utwamutengo utwa belili, nutwa onikisi, sona nutwa yasipala. Utubike utumabwe tunutu muvyakubikamo ivya golide.

Inyimbo izya Solomoni 5:14

Inyobe zyache zili ngati mpingwi izya golide, zizyo bazilabannya na mabwe aghamutengo. Umubili wache ghukuboneka ngati zyo mpembe izya zovu, zizyo bazilabannya na mabwe agha safile.

Ezekiyeli 1:14

Po ivipeliwa ivyabumi vila vikachimbilagha uku na uku ngati kumesya ukwa kamesya.

Ezekiyeli 1:16

Akabonekele aka vingelengele nakapangile kache vikaba ngati ulu: Vikanyezimila ngati libwe ilya mutengo, sona ghosi folo ghakayana bulo, akapangile kache kakaba ngati chingelengele chicho chili mukasi muchamwabo.

Ezekiyeli 1:24

Bo ivipeliwa ivyabumi vikwenda, nkivwa ichongo icha vipapande vyabo, ngati kupoma ukwa mizi ghagho ghali pakuchimbila, ngati lizyu ilya Uwamaka Ghosi, ngati chongo icha basilikali. Bo vyimiliye vikawisya ivipapande vyabo.

Ezekiyeli 1:7

Ivinama vyabo vikagholoka bulo, loli inyayo zyache zikaba ngati po zya ngwata zikanyezimilagha ngati mukuba.

Ezekiyeli 10:9

Nkatalankannya, nukwennya ivingelengele folo vikaba palubazu ulwa bakelubi. Vikabonekagha ngati libwe ilya mutengo.

Ezekiyeli 40:3

Akansendela kulakula, sona nkennya umuntu yuyo akabonekagha ngati mukuba, akimilila pamulyango bo alemite ulukusa ulutonte, ni ndisa iyakupimila munyobe yache.

Ezekiyeli 8:2

Po nkatalankannya nukwennya ichintu chimo chicho chikabonekagha ngati muntu. Ukwanda mumusana ukwika pasi chikabonekagha ngati moto, ukukwela kumwanya chikabonekagha ngati chela chicho chikusunguluka.

Matayi 17:2

Bo bakumwennya, akabonekele aka Yesu kakanduka. Icheni chache chikanyezimila ngati lyo lizuba, sona amenda ghache ghakaba maswepu nkani!

Matayi 28:3

Akabonekele kache kakayana bulo na kamesya, sona amenda ghache ghakaba maswepu ngati we kabefu.

Luka 9:29

Bo akwiputa, akabonekele aka cheni chache kakanduka, sona amenda ghache ghakaba maswepu nkani.

Ubuvumbuli 10:1

Pisinda pache nkamwennya uwantumi uyunji uwamaka akwika kumwanya. Akavwinkiwa mwibingu, sona kumutu wache kukaba umupingopingo uwa vula. Icheni chache chikaba ngati lyo lizuba, sona ivinama vyache vikaba ngati zyo mpanda izya moto.

Ubuvumbuli 19:12

Amaso ghache ghakaba chee ngati zyo ndimi izya moto, sona akavwala impumpu inyinji nkani kumutu wache. Akasimbiwa itabwa papache, lilyo nayumo umuntu yuyo akalimanyagha, loli mwene bulo.

Ubuvumbuli 2:18

“Uwantumi uwa muchipanga icha mu Tiyatila umusimbile uti, “Amazyu ghagho ghaneniwa nu Mwana uwa Chala, yuyo amaso ghache ghakumekuka ngati gho moto, sona yuyo inyayo zyache zikulama ngati cho chela, gho agha:

Ubuvumbuli 21:20

ulwafayivi lukaba lwa libwe ilya onike, ulwasikisi lukaba lwa libwe ilya kalineliya, ulwaseveni lukaba lwa libwe ilya kilisitolite, ulwa eyiti lukaba lwa libwe ilya belili, ulwa nayini lukaba lwa libwe ilya topazi, ulwa 10 lukaba lwa libwe ilya kilisopulasi, ulwa 11 lukaba lwa libwe ilya yakinti, sona ulwa 12 lukaba lwa libwe ilya ametesiti.