Daniyeli 10:21 - IBAYIBOLO 2024

²¹ Ichakwanda nkulonda nkubuzye zizyo zisimbiwe mwi Buku ilya Bwanaloli. Atalilpo nayumoyumo uwakunyavwa, loli mwene u Mikayeli uwantumi wako uwakumwanya usongo nkani.

Daniyeli 10:21 Iomraidhean Croise

Daniyeli 10:13

Loli u mwene uwa muchisu icha Peleziya akalwana nane amasiku 21. Po u Mikayeli weka uwa bantumi aba kumwanya usongo nkani, akiza pakunyavwa, pachifukwa ichakuti nkasyala bulo nemwene mubumwene ubwa mu Peliziya.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Daniyeli 8:26

“Ichisetuka icha pachamabwila na pandabindabi chicho chipeghiwe kukwako chanaloli, loli utakachivumbulaye ichisetuka chinichi pakuti chikunena nizya muntazi nkani.”

Daniyeli 9:22

Akiza nukumubuzya ukuti, “Wee Daniyeli, ilelo niza ukuti nkupe amahala nukwivwisya ivintu.

Daniyeli 9:25

“Umanye nukwivwisya ichintu ichi: Ukwanda pakabalilo kako indaghilo zikafumuziwanga ukuti akaya aka Yelusalemu kazengiwanje sona mupaka umulaghili umupakiwa afike, pakwiza ukuchilapo amaka 7 aghatubalilo aka 7. Sona amaka 7 aghatubalilo aka 62 pakwiza ukuzengiwa imisebo nukukumba imifolo mu Yelusalemu, loli pakabalilo akantamyo.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Imbombo 15:15

Zinizi zikwitikizannya na mazyu agha balaghuzi. Pakuti Amasimbo ghakuti,

Imbombo 15:18

Po u Mwene akunena bunubu, yuyo akavumbula ivintu vinivi kale.’

Yuda 1:9

Nu Mikayeli bulo, usongo uwa bantumi aba kumwanya, atakabomba zinizi, bo akudalinkana nu Satana nizya muvimba uwa Mozesi. U Mikayeli atakajimba pakumulonga u Satana na mazyu aghantuko, loli akati, “U Mwene akuchemele.”

Ubuvumbuli 12:7

Po ubwite bukanda kumwanya, u Mikayeli na bantumi bache pakulwana ni nyivwila yila. Yope inyivwila yila na bantumi bache pakulwana nu Mikayeli,