Daniyeli 10:14 - IBAYIBOLO 2024

¹⁴ Ilelo niza pakukulingannya zizyo zikwiza pakubawila aba inko yako muntazi muno, pakuti ichisetuka chinichi chikunena nizya muntazi.”

Daniyeli 10:14 Iomraidhean Croise

Ubwandilo 49:1

Bo u Yakobo amusaya u Efulayimu nu Manase, akabitizya abana bache nukuti, “Mubungane poka mwebosi, umwakuti imbabuzye zizyo zikwiza pakubabonekela muntazi.

Yesaya 2:2

Mumasiku aghabumalilo, ighamba ilya Nyumba iya Mwene, likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zyosi zikwiza pakuchimbilila kulakula.

Ezekiyeli 12:27

“Wee mwana uwa muntu, aba Izilayeli bakwinong'ona ukuti, ‘Ivisetuka nubulaghuzi vivyo bakuvyennya vikunena nizya vintu ivyamuntazi nkani, sona akalaghula nivya muntazi nkani.’

Ezekiyeli 38:16

Po mukwiza pakulwa ubwite na bantu bane aba Izilayeli mukwiza pakuba ngati libingu lilyo lyavwinka ichisu. Wee Gogi, mumasiku agha kuntazi ukwiza pakulwa ubwite ni chisu chane, umwakuti inko zimanye ane, bo nkwilanjizya ubuzelu bwane ukwendela mumwako pamaso papabo.

Daniyeli 10:1

Mumwaka uwabutatu, bo u mwene u Sayilasi akulaghila ichisu icha Peleziya, ubuvumbuli bukapeghiwa kwa Daniyeli, yuyo akaba we Belitishazala. Amazyu ghache ghakaba ghanaloli, sona ghakanenagha nizya bwite ubukulu. U Daniyeli akivwisya nkani amazyu ghala, bo achennya ichisetuka.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Daniyeli 12:9

Akamula akati, “Daniyeli, bukagha pakuti amazyu ghanagha ghakubusyefu sona ghamatiwe mupaka pakabalilo akabumalilo.

Daniyeli 2:28

Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Daniyeli 8:16

Nkivwa izyu ilya muntu mulubazu ulwa lusoko ulwa Ulayi likukolomoka likuti, “Gabiliyeli mubuzye umuntu yunuyu chicho ichisetuka chinichi chikusanusya.”

Daniyeli 8:26

“Ichisetuka icha pachamabwila na pandabindabi chicho chipeghiwe kukwako chanaloli, loli utakachivumbulaye ichisetuka chinichi pakuti chikunena nizya muntazi nkani.”

Daniyeli 9:22

Akiza nukumubuzya ukuti, “Wee Daniyeli, ilelo niza ukuti nkupe amahala nukwivwisya ivintu.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Mika 4:1

Mumasiku aghabumalilo, ighamba ilya Nyumba iya Mwene likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zikwiza pakuchimbilila kulakula.

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.

Ukubelengiwa 24:14

U Balamu akati, “Losi ulu nkubwela, loli bo ntabukite, leka nkusoke zizyo aba Izilayeli bakwiza pakubabombela abantu bako muntazi muno.”

Ukukumbusya Amalamulo 31:21

Bo intamyo na mayimba aminji nkani ghabawila, ulwimbo lunulu lukwiza pakuba we kaboni wane uwakubasusya, pakuti abaluko lwabo bakwiza pakulukumbuka ulwimbo lunulu. Nilelo bulo, bo inchili na pakubinjizya muchisu chicho nkabalayizya, inzimenye inyinong'ono zyabo.”

Ukukumbusya Amalamulo 31:29

Pakuti inzimenye ukuti bo nafwa, mwebosi mukwiza pakuba mwe bantu ababibi nkani, sona mukwiza pakuyileka izila yiyo nabamanyisya. Loli muntazi intamyo zikwiza pakubawila pachifukwa icha kubomba imbibi pamaso pa Mwene nukumukalalizya pachifukwa ichakubomba ivintu ivyamwiko.”

Ukukumbusya Amalamulo 4:30

Nanti mwakomana nintamyo, sona nanti ivintu vyosi vinivi vikababonekela, pisinda pache mukwiza pakunyokela kwa Mwene u Chala winyu nukumwivwila.

2 Timoti 3:1

Kumbuka ukuti mumasiku aghabumalilo kukwiza pakuba utubalilo utupalapala nkani.

Aba Hebeli 2:3

Nkimba aswe tungapona bulibuli nanti tutakulemezya ubupoki ubukulu nkani bunubu? Akaba we Mwene yuyo akafumusya tasi ubupoki bunubu, bubo bukasimikiziwa kukwitu na bantu babo bakamwivwa.