Daniyeli 10:1 - IBAYIBOLO 2024

¹ Mumwaka uwabutatu, bo u mwene u Sayilasi akulaghila ichisu icha Peleziya, ubuvumbuli bukapeghiwa kwa Daniyeli, yuyo akaba we Belitishazala. Amazyu ghache ghakaba ghanaloli, sona ghakanenagha nizya bwite ubukulu. U Daniyeli akivwisya nkani amazyu ghala, bo achennya ichisetuka.

Daniyeli 10:1 Iomraidhean Croise

Ubwandilo 41:32

Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.

2 Imbili 36:22

Mumwaka uwakwanda bo u mwene u Sayilasi uwamu Peleziya akulaghila, u Mwene akakwanilisya zizyo akamubuzya umulaghuzi u Yelemiya pakunyamusya umoyo uwa Sayilasi ukuti asimbe indaghilo nukuzifumusya mubumwene bwache bosi izyakuti:

Ezila 3:7

Abantu bakabalipilagha indalama abazengi abanyumba pakubombezya amabwe na bapala matabwa sona bakabapa ivyakulya ni vyakung'wela na mafuta agha misyunguti abantu aba mu Tile naba mu Sidoni umwakuti bambamizye amakwi agha mwale agha mu Lebanoni mupaka ku Yopa, ukuyana namumo akalamulila u mwene u Sayilasi uwamu Peleziya.

Ezila 4:3

Loli u Zelubabeli nu Yeshuwa, sona na balongozi abanyumba izya Izilayeli bakabamula bakati, “Tutakulonda ukuti mutwavwe pakuzenga Inyumba iya Chala witu. Aswe twebene tukwiza pakumuzengela Inyumba u Mwene u Chala uwa Izilayeli ukuyana namumo akatulamulila u mwene u Sayilasi uwamu Peleziya.”

Ezila 4:5

Bakaghabeka amakambala ukuti ghavulungannye imbatiko izya buzengi bula pakabalilo kosi aka mwene u Sayilasi uwamu Peleziya mupaka pakabalilo aka mwene u Daliyasi uwamu Peleziya.

Ezila 6:14

Po abalongozi aba ba Yuda bakabombagha imbombo iyakuzenga Inyumba yila sona yikendagha akiza nkani umwakukaziwa nu mulaghuzi u Hagayi nu Zekaliya umwana uwa Ido. Bakamalizya pakuzenga Inyumba iya Chala ukuyana namumo akalamulila u Chala uwa Izilayeli sona ukuyana nu lulaghilo ulwa Sayilasi nu Daliyasi sona u Alitakiselesesi, babo bakaba bamwene aba mu Peleziya.

Ezila 6:3

Mumwaka uwakwanda bo u mwene u Sayilasi akulaghila, akabika ululaghilo nizya Nyumba iya Chala mu Yelusalemu ulwakuti: Leka Inyumba yizengiwe sona pakuba pakubikilapo ivyakwiyipa sona ulwalo lwache lwaliwe sona. Inyumba yiniyi mumwanya yibanje amamita 27 sona mububaba yibanje amamita 27.

Yesaya 44:28

nkumubuzya u Sayilasi ukuti, ‘We mudimi wane, ukwiza pakumalizya imbombo yane, yiyo nkulonda ukuti ubombaye,’ nkwiza pakulamula ukuti, ‘U Yelusalemu azengiwe sona,’ nkwiza pakulamula sona ukuti, ‘Ulwalo ulwa Nyumba iya Chala luzengiwe sona.’ ”

Daniyeli 1:17

U Chala akabapa abalumendo folo bala amahala na kivwisizye aka vimanyilo ivya mu mabuku aghakulekanalekana. Po u Daniyeli akavimanya ivisetuka ni vilota ivyakulekanalekana.

Daniyeli 1:21

U Daniyeli akikala kulakula mupaka mumwaka uwakwanda bo u mwene u Sayilasi anda pakulaghila.

Daniyeli 1:7

Usongo uwa makambala yula akabita abalumendo bala amatabwa aghanji. Amatabwa ghabo ghakaba gho agha: U Daniyeli akaba we Belitishazala, u Hananiya akaba we Shadilaki, u Mishayeli akaba we Meshaki, sona u Azaliya akaba we Abedinego.

Daniyeli 10:14

Ilelo niza pakukulingannya zizyo zikwiza pakubawila aba inko yako muntazi muno, pakuti ichisetuka chinichi chikunena nizya muntazi.”

Daniyeli 11:2

“Polelo nkukubuzya ubwanaloli ukuti abamwene abanji batatu bakwiza pakuboneka muchisu icha Peleziya. Pisinda pache pakwiza u mwene uwafolo, yuyo akwiza pakuba mukabi nkani ukubachila abanji bosi bala. Nanti aba nu bulaghili pachifukwa icha bukabi bwache, akwiza pakubapela abantu bosi ukuti babusambukilaye ubumwene ubwa Gilisi.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Daniyeli 12:9

Akamula akati, “Daniyeli, bukagha pakuti amazyu ghanagha ghakubusyefu sona ghamatiwe mupaka pakabalilo akabumalilo.

Daniyeli 2:21

Wee yuyo akwandula amasiku nu tubalilo, sona weyuyo akubakwezya abamwene nukubisya. Akubapa amahala abantu abamahala, sona nu bumanyi ku bantu abakwivwisya ivintu.

Daniyeli 4:8

Pabumalilo u Daniyeli, yuyo akwitiziwanga ukuti Belitishazala, lilyo litabwa ilya chala wane, sona yuyo umuzimu uwa bachala abazelu ghuli mumwache akiza pamaso papane, po nkamubuzya ichilota chane chila.

Daniyeli 5:12

U Daniyeli yunuyu, yuyo u mwene u Nebukadineza akamusapila itabwa ilya kuti we Belitishazala akaghiwa ukuti ali na mahala, nakivwisizye, sona nu bumanyi ubwa kusanuzizya ivilota, pakulingannya ivyili sona nukumazya intamyo impalapala nkani. Mwitizye u Daniyeli, po akwiza pakubabuzya ubusanuzyi ubwa masimbo ghanagha.”

Daniyeli 5:17

U Daniyeli akamwamula u mwene akati, “Ungachisunga ichabupi chako, pamo ungamupa umuvwalo wako umuntu uyunji. Loli ane nkwiza pakukubelengela amasimbo ghanagha nukukubuzya ukuti ghakusanusya choni.

Daniyeli 6:28

Po ivintu vikamwendela akiza nkani u Daniyeli pakabalilo aka Daliyasi, sona napakabalilo aka Sayilasi uwamu Peliziya.

Daniyeli 8:16

Nkivwa izyu ilya muntu mulubazu ulwa lusoko ulwa Ulayi likukolomoka likuti, “Gabiliyeli mubuzye umuntu yunuyu chicho ichisetuka chinichi chikusanusya.”

Daniyeli 8:26

“Ichisetuka icha pachamabwila na pandabindabi chicho chipeghiwe kukwako chanaloli, loli utakachivumbulaye ichisetuka chinichi pakuti chikunena nizya muntazi nkani.”

Luka 1:20

Loli utakusubila amazyu ghane ghagho ghakwiza pakuba ghanaloli pakabalilo akiza. Loli pachifukwa ichakuti utasubiye, ukwiza pakuba we chinunu mupaka pisiku lilyo ilayizyo lyane kukwako likwanilisiwe.”

Ubuvumbuli 19:9

Palapala uwantumi yula akambuzya akati, “Simba uti, ‘Basayiwa abantu babo bitiziwe kulusekelo ulwa sendwa iya Mwana uwa ng'ozi!’ ” Uwantumi yula akonjelezya sona pakunena ukuti, “Agha gho mazyu aghanaloli agha Chala.”