Daniyeli 1:6 - IBAYIBOLO 2024

⁶ Bamo aba balumendo bala bo aba: U Daniyeli nu Hananiya nu Mishayeli nu Azaliya, sona bosi bakaba ba muchisu icha Yuda.

Daniyeli 1:6 Iomraidhean Croise

Ezekiyeli 14:14

Napapo abantu batatu bala, u Nowa, u Daniyeli nu Yobu, bakikalagha mulamula, ngali bakapoka ubumi bwabo bwene nu bugholosu bwabo, u Mwene Uwamaka Ghosi anena.

Ezekiyeli 14:20

napapo bakikalagha mulamula abantu batatu bala, u Nowa nu Daniyeli sona nu Yobu naloli nkulapila mwa Mwene Uwamaka Ghosi umumi, ngali batakabapoka abana babo abalumendo pamo abalindu. Ngali bakipoka bene pachifukwa icha bugholosu bwabo.

Ezekiyeli 28:3

Nkimba uli na mahala ukumuchila u Daniyeli? Nkimba katalipo nakamokamo kako kakubusyefu kukwako?

Daniyeli 1:19

U mwene akanenezannya nabo, po akagha ukuti atakabapo nayumoyumo uwakuyana nu Daniyeli nu Hananiya nu Mishayeli, sona nu Azaliya, po bakanda pakumubombela u mwene.

Daniyeli 2:17

Po u Daniyeli akanyokela kunyumba yache pakumulingannya u Hananiya nu Mishayeli, sona nu Azaliya, babo bakaba bamanyani bache.

Daniyeli 2:25

Lubilolubilo u Aliyoki akamusindikila u Daniyeli pamaso pa mwene, po akati, “Wee mwene, namwagha umukayidi yumo pakasi paba Yuda, yuyo angakusanuzizya ichilota chako.”

Daniyeli 5:13

Bakiza nu Daniyeli pamaso pa mwene, po u mwene akamulalusya akati, “Nkimba awe we Daniyeli weka uwa bazya, yuyo utata u mwene akabasenda muchisu icha Yuda?

Daniyeli 6:14

Bo u mwene ivwa zinizi, akatamiwa nkani mumoyo, po akayezya nkani pakumupoka u Daniyeli, mupaka izuba likinjila.

Matayi 24:15

“Mukwiza pakwennya ‘Ichinyazu Ichipalapala’ chicho chikunangannya, chicho umulaghuzi u Daniyeli akanena. Chikwiza pakwimilila mu Buzilo Ubuzelu.” (Umuntu yuyo akubelenga, ivwisye.)

Maliko 13:14

“Mukwiza pakwennya Ichinyazu Ichipalapala, chicho chikunangannya chimiliye pabuzilo bubo chitabaghiye.” (Umuntu yuyo akubelenga, ivwisye.) “Po babo bali mu Yudeya bachimbililaye mumaghamba.”