Daniyeli 1:4 - IBAYIBOLO 2024

⁴ Banaba bakaba balumendo babo batakaba ni chilema nachimochimo, bakaba bakuboneka akiza na bamahala na bakumanyila lubilolubilo na bankalo inyiza, sona babo bangabomba imbombo munyumba iya mwene. U Ashipenazi akamanyisya pakubelenga na pakusimba ineno iya muchisu icha Babiloni.

Daniyeli 1:4 Iomraidhean Croise

Ubwandilo 41:46

U Yosefu akaba na maka 30 pakabalilo kako akanda pakumubombela u Falabo. Po akendela ichisu chosi chila.

2 Samuweli 14:25

Muchisu chosi icha Izilayeli mutakabamo umwanavuli uyunji uwakuboneka akiza ngati we Abisalomu. Ukwandila ko kumutu mupaka kunyayo, atakaba ni chilema nachimochimo.

Ivyili 22:29

Nanti ukubomba imbombo zyako akiza bulo, kokuti ukwiza pakubabombela abamwene, sona utakwiza pakubabombela abantu bulo.

Umulumbilili 7:19

Amahala ghakumupela umuntu pakuba na maka nkani ukuchila abamwene 10 aba mukaya akakulu nkani.

Yesaya 36:11

Po u Eliyakimu nu Shebina sona nu Yowa bakamubuzya usongo uwa basilikali yula bakati, “Twalamba nena nababombi bako mu Chialamu, pakuti cho chicho tukuchivwa. Utakanenaye naswe mu Chihebeli pachifukwa ichakuti abantu bosi babo bali pilinga bakwivwa.”

Yelemiya 5:15

U Mwene akuti, “Mwee ba Izilayeli, nkubizila ninko iya bantu aba kubutali nkani, iya kale sona yiyo yiliko, abantu babo ni neno yabo mutayimenye nalumolumo, sona mutangayivwa nakokuyivwa.

Daniyeli 2:10

Abasanuzyi aba vilota bala bakamwamula u mwene bakati, “Wee mwene, atalipo nayumoyumo umuntu pachisu ichapasi, yuyo angazibomba zizyo ukulonda! Atalipo nayumoyumo u mwene usongo sona uwamaka, yuyo abalabitepo abamayele, pamo abalaghuzi, pamo abasanuzyi aba vilota ukuti babombaye ichintu ngati chinichi.

Daniyeli 2:2

U mwene akabitizya abamayele na balaghuzi na bakunena ni mizimu, sona na basanuzyi aba vilota umwakuti bamubuzye ichilota chila. Bo binjila, bakimilila pamaso pa mwene,

Daniyeli 3:8

Pakabalilo kalakala abantu bamo aba mu Babiloni bakalwaghilapo ulusako ulwakubasamulila aba Yuda.

Daniyeli 4:7

Bo abamayele na balaghuzi na bakunena ni mizimu na basanuzyi aba vilota, biza pamaso papane nkababuzya ichilota chane chila, loli bakapotwa pakunsanuzizya.

Daniyeli 5:11

Mubumwene bwako muno alipo umuntu yumo, yuyo ali nu muzimu uwa bachala abazelu mumwache. Pakabalilo aka ghuso akaba muntu yula uwakuvyaghannya ivintu nu mumanyi, sona nu wamahala ngati gha bachala. Ughuso u Nebukadineza akamusala pakuba we songo uwa bamayele, nuwa balaghuzi nuwa bantu abakunena ni mizimu nuwa basanuzyi aba vilota, sona.

Daniyeli 5:7

U mwene yula akabitizya abalaghuzi abakunena ni mizimu na basanuzyi aba vilota, ukuti bize pamaso papache. Po akababuzya abantu abamahala akati, “Umuntu wesi yuyo angabelenga amasimbo ghanagha nukumubuzya ukuti ghakusanusya choni, akwiza pakuvwikiwa inkazo inchesamile, sona nu bunyololo ubwa golide musingo yache, po akwiza pakukweziwa pachitengo pakuba wabutatu mubumwene bwane.”

Daniyeli 9:1

Mumwaka uwakwanda Daliyasi umwana uwa Ahaziwelo yuyo akapapiwa mu Mediya bo akulaghila, yuyo akaba we mwene uwa chisu icha Babiloni,

Zekaliya 2:4

Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.

Imbombo 7:20

Kakaba kabalilo kanaka kako u Mozesi akapapiwa, umwana umwiza nkani pamaso pa Chala. Akaleliwa munyumba iya wise amezi matatu,

Imbombo 7:22

Bakamumanyisya u Mozesi amahala ghosi agha mu Ijiputi, sona akaba muntu uwamaka mumazyu na mumbombo bulo.

Aba Efeso 5:27

U Kilisitu akabomba zinizi ukuchiyanizya ichipanga kukwache umwakuti chibanje chipanga ichiza, chicho chite nakatonyelwa, na chicho chite na mankwinya, pamo akantu kamo akabibi, loli chizelu, sona chicho chite ni chilema nachimochimo.

Abalongi 8:18

Po u Gidiyoni akamulalusya u Zeba nu Zalimuna akati, “Abantu babo mukabaghogha mu Taboli, nkimba bakabonekagha bulibuli?” Bakamula bakati, “Bosi bakayana bulo nawe, sona umuntu wesi akabonekagha ngati bana aba bamwene.”